Cقو دەنساۋلىق ساقتاۋ باسقارماسىنىڭ باسشىسى قىزمەتىنەن كەتتى

سولتۇستىك قازاقستان وبلىسى دەنساۋلىق ساقتاۋ باسقارماسىنىڭ باسشىسى نۇرلان ايمانوۆ ءوز ەركىمەن قىزمەتىنەن كەتتى دەپ حابارلادى turkystan.kz.             

سقو دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە، نۇرلان ايمانوۆتىڭ دەنساۋلىق ساقتاۋ باسقارماسى باسشىسى قىزمەتىنەن كەتۋىنە ونىڭ باسقا جۇمىسقا اۋىسۋى سەبەپ بولعان. ەكس-شەنەۋنىك ەندى وبلىستىق كوپسالالى بالالار اۋرۋحاناسىن باسقارادى.

نۇرلان ايمانوۆ سقو-نىڭ دەنساۋلىق ساقتاۋ سالاسىن 2022 جىلدىڭ قاڭتار ايىنان وسى ۋاقىتقا دەيىن باسقاردى.

نۇرلان باقداۋلەت ۇلى 1982 جىلى اقتوبە قالاسىندا دۇنيەگە كەلگەن.

2007 جىلى قازاق ۇلتتىق مەديتسينالىق ينستيتۋتىن «پەدياتريا» ماماندىعى بويىنشا ءبىتىردى.

ەڭبەك جولىن 2007 جىلى الماتى قالالىق   №1 بالالار كلينيكالىق اۋرۋحاناسىندا دارىگەر ينتەرن، بالالار حيرۋرگى بولىپ باستادى.

2008-2013 جىلدار ارالىعىندا سقو بالالار اۋرۋحاناسىندا بالالار حيرۋرگى بولىپ جۇمىس ىستەدى.

2016 جىلى وبلىستىق بالالار اۋرۋحاناسىنىڭ كونسۋلتاتيۆتى-دياگنوستيكالىق ەمحاناسى باس دارىگەرىنىڭ ورىنباسارى لاۋازىمىنا بەكىتىلدى. 2016-2019 جىلدارى عابيت مۇسىرەپوۆ اتىنداعى اۋداننىڭ ورتالىق اۋداندىق اۋرۋحاناسىن باسقاردى.

ال 2019 جىلدان وسى جىلدىڭ قاڭتارىنا دەيىن سقو دەنساۋلىق ساقتاۋ باسقارماسى باسشىسىنىڭ ەمدەۋ-الدىن الۋ جۇمىستارى جونىنەن ورىنباسارى قىزمەتىن اتقاردى.

 

 

     

ۇقساس جاڭالىقتار

Back to top button