«سالاماتتى قازاقستان» مەديتسينالىق پويىزى جاڭا وبلىستارعا بارادى

بۇگىن الماتى وبلىسىنىڭ بايسەركە ستانتسياسىندا «سالاماتتى قازاقستان» مامانداندىرىلعان مەديتسينالىق پويىزى ءوز جۇمىسىن باستادى. ماماندار جاڭادان قۇرىلعان جەتىسۋ وبلىسىنا بارىپ، شالعاي ستانتسيالار مەن رازەزدەردە جۇمىسىن جالعاستىرادى.

«سالاماتتى قازاقستان» – «مەديتسينالىق پويىزدار» قايىرىمدىلىق جوباسىنىڭ ءبىر بولىگى. جوبانىڭ باستى ماقساتى – ساپالى مەديتسينالىق قىزمەتكە جۇگىنۋگە مۇمكىندىگى جوق ەلىمىزدىڭ شالعاي ستانتسيالارى مەن جاقىن جەردەگى اۋىلداردىڭ تۇرعىندارىن تەگىن مەديتسينالىق تەكسەرۋ جانە دياگنوستيكالاۋ.

«سالاماتتى قازاقستان» مەديتسينالىق پويىزى جاڭا وبلىستارعا بارادى

پويىز 2022 جىلدىڭ 20 ماۋسىمى مەن 2 قاراشاسى ارالىعىندا ەلىمىزدىڭ 67 شالعاي ستانتسياسىنا بارادى: الماتى، شىعىس قازاقستان، پاۆلودار، سولتۇستىك قازاقستان، اقمولا، قوستاناي جانە قاراعاندى وبلىستارى، سونداي-اق ءۇش جاڭا وبلىس – جەتىسۋ، اباي جانە ۇلىتاۋ دا تىزىمدە بار.

«سالاماتتى قازاقستان» – جوبا بويىنشا ەكىنشى پويىز، سونداي-اق 23 مامىردان باستاپ «جاردەم» مەديتسينالىق پويىزى ەلىمىزدىڭ شالعاي اۋداندارىندا تەگىن مەديتسينالىق كومەك كورسەتە باستادى. «جاردەم» جانە «سالاماتتى قازاقستان» مەديتسينالىق پويىزدارى جالپى سانى 60 000 ادامدى قامتىپ، دارىگەرلەردىڭ قابىلداۋىنا كەلۋ سانى 100 000، دياگنوستيكالىق ەمشارا 18 000، شاعىن حيرۋرگيالىق وپەراتسيا 1 200 بولسا، 8 000 ادامعا ستوماتولوگيالىق كومەك كورسەتىلەدى دەپ كۇتىلىپ وتىر.

جوبانى ىسكە اسىرۋ باس سەرىكتەس «Samruk-Kazyna Trust» الەۋمەتتىك جوبالاردى دامىتۋ قورىنىڭ قارجىلىق قولداۋىنىڭ ارقاسىندا مۇمكىن بولدى.

«سالاماتتى قازاقستان» مەديتسينالىق پويىزى جاپون جانە نەمىس ءوندىرىسىنىڭ جابدىقتارىمەن قامتىلعان: اپپاراتۋرا قاجەت بولعان جاعدايدا كەڭەيتىلگەن جالپى جانە بيوحيميالىق تالداۋلار، رەنتگەنوگرافيا مەن فليۋروگرافيا، ىشكى اعزالار مەن تامىرلاردىڭ ۋدز-زەرتتەۋلەرىن، ەلەكتروكارديوگرامما، گاستروفيبروسكوپيا جانە دياگنوستيكالىق زەرتتەۋلەردىڭ باسقا دا تۇرلەرىن جۇرگىزۋگە مۇمكىندىك بەرەدى. سونىمەن قاتار بيىل ستاموتولوگيالىق قۇرىلعىلار دا جاڭارتىلعان»، – دەدى «سالاماتتى قازاقستان» پويىزىنىڭ اعا دارىگەرى ارمان يساينوۆ.

مەديتسينالىق پەرسونالدىڭ قۇرامى ءارتۇرلى بەيىندەگى بىلىكتى مامانداردان تۇرادى: تەراپەۆت، پەدياتر، كارديولوگ، نەۆروپاتولوگ، وكۋليست، لور، گينەكولوگ، حيرۋرگ، ۋرولوگ، ماممولوگ، ستوماتولوگ، رەنتگەنولوگ، كارديولوگ، ۋدز دارىگەرى، ەندوسكوپيست، فۋنكتسيونالدىق دياگنوستيكا دارىگەرى. بيىل مەديتسينا ماماندارىنىڭ قۇرامىنا پسيحولوگ جانە دەرماتوۆەنەرولوگ قوسىلدى، جوباعا بارلىعى 36 مامان قاتىسادى.

«سالاماتتى قازاقستان» مەديتسينالىق پويىزى جاڭا وبلىستارعا بارادى

مامانداندىرىلعان مەديتسينالىق پويىز 8 ۆاگوننان تۇرادى: ديزەل-گەنەراتور ۆاگونى، 4 مەديتسينالىق ۆاگون، 1 كونفەرەنتس-زال جانە مەيرامحانا، 2 كۋپە ۆاگون. ديزەل-گەنەراتور ۆاگونى قاجەت بولعان جاعدايدا توتەنشە جاعداي كەزىندە شاعىن ەلدى مەكەندى ەلەكتر ەنەرگياسىمەن قامتاماسىز ەتە الادى.

««Samruk-Kazyna Trust» الەۋمەتتىك جوبالاردى دامىتۋ قورىنىڭ قارجىلاي قولداۋىنىڭ ارقاسىندا مۇمكىن بولعان «سالاماتتى قازاقستان» پويىزىنىڭ قوزعالىس كەستەسى شالعايداعى ستانتسيالاردا مەديتسينالىق پۋنكتتەردىڭ بولماۋىن ەسكەرە وتىرىپ، ازاماتتاردىڭ وتىنىشتەرى مەن مەملەكەتتىك ورگانداردىڭ سۇرانىسى نەگىزىندە جاسالدى. نەگە ءبىز بۇل جوبانى قولدادىق؟ سەبەبى، بۇل ناعىز حالىققا، ازاماتتارىمىزدىڭ دەنساۋلىعىن جاقسارتۋعا سەپتىگىن تيگىزەتىن الەۋمەتتىك ماڭىزى بار جوبا. ماسەلەن، پاندەميا كەزى شالعاي اۋداندارداعى تۇرعىنداردىڭ دەنساۋلىعىنا بايلانىستى كوپتەگەن پروبلەمانى ۋشىقتىردى. تاجىريبە كورسەتكەندەي، بۇل پويىزدار وتە قاجەت. كوپتەگەن پاتسيەنت پويىز دارىگەرلەرىنىڭ ارقاسىندا ومىرىندە ءبىرىنشى رەت نەمەسە كوپتەگەن جىلدان كەيىن العاش رەت قابىلداۋعا كەلگەن.

سونىمەن قاتار، ءبىزدىڭ «Samruk-Kazyna Trust» قورى بىرىڭعاي قايىرىمدىلىق وپەراتورى سانالاتىن «سامۇرىق-قازىنا» اق كومپانيالار توبىنىڭ ەڭبەككەرلەرى دە پويىز دارىگەرلەرىنە تەگىن ءارى تولىق قارالا الادى. ال شالعاي وڭىرلەردە وسى كومپانيالار توبىندا ەڭبەك ەتەتىن قاراپايىم ەڭبەك ادامدارى بارشىلىق ەكەنى بەلگىلى»، – دەپ اتاپ ءوتتى «Samruk-Kazyna Trust» الەۋمەتتىك جوبالاردى دامىتۋ قورىنىڭ باس ديرەكتورى الفيا اديەۆا.

«سالاماتتى قازاقستان» مەديتسينالىق پويىزى جاڭا وبلىستارعا بارادى

ايتا كەتسەك، «جاردەم» كونسۋلتاتيۆتىك-دياگنوستيكالىق پويىزى 23 مامىردا جولعا شىعىپ، ماڭعىستاۋ وبلىسى بويىنشا جۇمىسىن اياقتادى جانە قازىر اتىراۋ وبلىسىندا. «جاردەم» پويىزىنىڭ ماماندارى 3 141 تۇرعىندى، ونىڭ ىشىندە 1 290 بالا مەن 1 851 ەرەسەك ادامدى تەكسەردى. دارىگەرگە كەلۋشىلەردىڭ جالپى سانى 11 955 ادامدى قۇرادى.

جوبا «سامۇرىق-قازىنا» اق كومپانيالار توبىنىڭ اتىنان «Samruk-Kazyna Trust» الەۋمەتتىك جوبالاردى دامىتۋ قورىنىڭ قارجىلاي قولداۋىمەن، قر دەنساۋلىق ساقتاۋ مينيسترلىگى قاتىسۋىمەن، «قازاقستان تەمىر جولى» ۇك اق جانىنداعى «الەۋمەتتىك جوبالار قورى» كورپوراتيۆتىك قورىمەن بىرلەسىپ ىسكە اسىرىلۋدا.

سالاماتتى قازاقستان

ۇقساس جاڭالىقتار

Back to top button