«500 توننا قانت»: الماتى تۇرعىندارىنىڭ سۇرانىسى ارتۋدا

الماتى قالاسىنىڭ قويماسىنا قانشا كولەمدە قانت كەلەتىنى بەلگىلى بولدى دەپ حابارلادى turkystan.kz.

جەرگىلىكتى تۇرعىنداردىڭ قانتقا دەگەن قاجەتتىلىگى – 3،3 مىڭ توننا. لوگيستيكا بويىنشا، قويمالارعا شامامەن 5 مىڭ توننا قانت تۇسەدى ەكەن. بۇل تۋرالى كاسىپكەرلىك جانە ينۆەستيتسيالار باسقارماسى باسشىسىنىڭ ورىنباسارى ەرلان وماروۆ ايتتى. ونىڭ سوزىنشە، الماتى قالاسىنا كۇن سايىن 300-500 توننا قانت جەتكىزىلەدى.

قازىر الماتى تۇرعىندارى اراسىندا جيدەكتەر مەن جەمىستەردى قايناتۋ ماۋسىمىنا بايلانىستى قانتقا دەگەن سۇرانىس ارتقان. ونى قامتاماسىز ەتۋ ءۇشىن كاسىپكەرلىك جانە ينۆەستيتسيالار باسقارماسى قانت جەتكىزۋ كولەمىن ۇلعايتتى، بۇرىن كۇنىنە 250 توننا جەتكىزىلەتىن. ءىرى ساۋدا جەلىلەرى ءۇشىن قۇمشەكەردىڭ كوتەرمە باعاسى كەلىسىنە 420-430 تەڭگە، ول 445 تەڭگەدەن ساتىلادى، – دەدى ەرلان وماروۆ.

وسى جىلدىڭ قىركۇيەك ايىندا اقسۋ قانت زاۋىتى ىسكە قوسىلادى دەپ كۇتىلىپ وتىر. سونىڭ ناتيجەسىندە الماتىعا 10 مىڭ تونناعا جۋىق قانت جەتكىزۋ جوسپارلانىپتى. بۇگىندە الماتى قالاسىنىڭ ساۋدا نىساندارى مەن وندىرىستىك كاسىپورىندارىنىڭ قويمالارىنداعى قانت قورى شامامەن 11 مىڭ توننانى قۇرايدى. قالاعا جەتكىزۋ ۋاقتىلى جۇزەگە اسىرىلادى، قتج ۆاگوندارىن بەرۋ كىدىرىسسىز جۇرگىزىلىپ جاتىر ەكەن.

 

ۇقساس جاڭالىقتار

Back to top button