Астананың ондаған мектебіне «Робототехника» курсы енгізілді

2016-2017 оқу жылында білім мазмұнын жаңарту шеңберінде Астананың 70 мектебінде «Робототехника» курсы енгізілді, деп хабарлайды Астана қаласы әкімдігінің баспасөз қызметі. Аталған курс элективті немесе факультатив курс түрінде оқу жоспарының вариативті бөлігі есебінен енгізілді. «2017-2018 оқу жылынан бастап курсты барлық оқушылар міндетті түрде оқитын инварианты құрамдасқа айналдыру мүмкіндігі қарастырылуда. Қазіргі уақытта курсты информатика пәнінің мұғалімдері өткізеді, алайда біртіндеп жаратылыстану-математикалық цикл пәндерінің мұғалімдеріне беру жоспарланған. Жаз маусымында 158 информатика мұғалімі Назарбаев зияткерлік мектебінің базасында оқыту курстарынан өтті», – деп хабарлайды басқармадағылар. Қазіргі уақытта курстың теориялық бөлігі өткізіліп жатыр. Оқу процесін ұйымдастыру сапасын арттыру үшін мектептерде арнайы кабинеттер бөліп, оларды робототехника сабағын өткізуге лайықтап жарақтау жоспарланған.

Серіктес жаңалықтары