ۇستەل تەننيسى: قازاقستان ازيا چەمپيوناتىنا جولداما الدى

ۇستەل تەننيسىنەن قازاقستان قۇراما كومانداسى الماتىداعى ورتالىق ازيا ىرىكتەۋ ءتۋرنيرىنىڭ فينالىنا شىعىپ، جاسوسپىرىمدەر اراسىنداعى ازيا چەمپيوناتىنا جولداما الدى دەپ حابارلادى turkystan.kz Olympic.kz-كە سىلتەمە جاساپ.

ىرىكتەۋ تۋرنيرىندە يران، قىرعىزستان، تاجىكستان، تۇركىمەنستان، وزبەكستان، قازاقستان قۇرامالارى الدىمەن كىشى توپتاردا، سودان كەيىن جارتىلاي فينالدا سىنعا ءتۇستى. ۇزدىك ناتيجەنى يران مەن قازاقستان كوماندالارى كورسەتتى.

تۇركىمەنستان مەن وزبەكستان قۇرامالارى قولا جۇلدەنى ساراپقا سالادى.

قىزدار اراسىندا چەمپيون كۋبوگىنا قازاقستان مەن وزبەكستان قۇرامالارى تالاسسا، 3-ورىن ءۇشىن يران مەن قىرعىزستان سپورتشىلارى باق سىنايدى.

وسىلايشا، قۇرلىقتىق جاسوسپىرىمدەر دوداسىندا ءبىزدىڭ ورتالىق ازيا ايماعىنان قازاقستان (ۇلدار مەن قىزدار)، يران (ۇلدار) جانە وزبەكستان (قىزدار) كوماندالارى جارىس جولىنا شىعادى.

ۇقساس جاڭالىقتار

Back to top button