قۇرىلىس ساپاسىن باقىلاۋعا ارنالعان پورتال ىسكە قوسىلدى

قازاقستاندا قۇرىلىس ساپاسىنا باقىلاۋ كۇشەيتىلەدى. وسى ماقساتتا  يندۋستريا جانە ينفراقۇرىلىمدىق دامۋ مينيسترلىگى بىرىڭعاي قۇرىلىس پورتالىن ازىرلەدى دەپ حابارلادى turkystan.kz.

اتالعان جۇيە بىرىڭعاي تسيفرلىق ورتادا قۇرىلىستىڭ بارلىق قاتىسۋشىلارىن شوعىرلاندىرۋعا مۇمكىندىك بەرىپ، جۇمىس ساپاسىن قاداعالاۋعا زور ىقپالىن تيگىزەدى.

«سونىمەن قاتار پورتال جوبالاۋ-سمەتالىق قۇجاتتامانى ۆەدومستۆودان تىس ساراپتاما پورتالىنان اۆتوماتتى تۇردە ءتۇسىرۋدى جانە بارلىق قۇرىلىس قۇجاتتاماسىن تسيفرلىق تۇردە (اكتىلەر، جۋرنالدار، نۇسقامالار) راسىمدەۋگە مۇمكىندىك بەرەدى»، – دەلىنگەن حابارلامادا.

قازىرگى كۇندە جۇيەگە ەلىمىزدە جۇرگىزىلىپ جاتقان قۇرىلىس نىساندارى تۋرالى دەرەكتەر بازاسى جۇكتەلىپ، ساراپشىلاردى تەستىلەۋ بويىنشا مودۋلدەر ىسكە قوسىلدى.

«جۇيە تەست تاپسىرۋ كەزىندە تەستىلەنۋشى ماماننىڭ تۇپنۇسقالىعىن اۆتوماتتى تۇردە تەكسەرەدى. وسى ارقىلى تەستىلەنۋشىنىڭ باسقا اداممەن اۋىستىرۋ فاكتىسىن الدىن الادى. تەحنيكالىق قاداعالاۋ ۇيىمدارى ەتسق ارقىلى قۇرىلىس بارىسى تۋرالى مالىمەتتەردى جانە فوتوماتەريالداردى تىركەي وتىرىپ، اي سايىن ەسەپ بەرەدى. بۇل مسقب-عا سالىنىپ جاتقان وبەكتىلەرگە كامەرالدىق مونيتورينگ جۇرگىزۋگە مۇمكىندىك بەرەدى»، – دەلىنگەن حابارلامادا.

بۇدان وزگە، يدم جاۋاپتى مەملەكەتتىك ورگاندار تاراپىنان قۇرىلىسقا باقىلاۋدى كۇشەيتۋدى دە جوسپارلاپ وتىر.

بۇگىنگى تاڭدا وسى تاراپتاعى ءتيىستى زاڭناماعا ءتيىستى تۇزەتۋلەر ەنگىزىلۋدە.

مينيسترلىكتىڭ بۇل باستاماسى ساپاسىز قۇرىلىس جۇمىستارىنىڭ الدىن الۋعا، قۇرىلىسى سىن كوتەرمەيتىن نىسانداردى پايدالانۋعا  جانە قابىلداۋعا توسقاۋىل قويادى.

 

ۇقساس جاڭالىقتار

Back to top button