Егер саяси жүйе дұрыс құрылса, қоғам дамиды – Берекет КӘРІБАЕВ, тарих ғылымдарының докторы, профессор

– Алда өтетін референдум – Қа­зақстан тари­хындағы жаңа бір бе­лес. Мемлекет басшысы Қасым-Жо­март Тоқаев наурыз айында ха­лыққа жол­даған Жолдауында «Әді­летті Қазақстан», «Жаңа Қа­зақ­­стан» ұғымдарына көп тоқ­та­лып өтті. Енді мұны жай ғана сөз емес, соған қол жеткізудегі алғаш­қы маңызды қадам деп айтуға бо­лады. Мұндай маңызды қадам­дар жасау үшін бізде саяси шешім көп қабылдануы қажет. Ал саяси ше­шімге негіз болатын – Конс­ти­туция­ға енгізілетін өзгерістер. Пре­зидент Жолдауда айтып өт­кен­дей, Конституция баптары­ның 30 пайызына өзгерістер мен то­лықтырулар енгізіледі. Бұрын­ғы суперп­резиденттік деп ата­ла­тын билік жүйесінен бас тар­тып, әділетті Парламенттің ықпалы басым жүйеге көшіп жатырмыз. Бұл жүйеге толығымен көшу үшін алдымен заңды құқықтық негіз­дер қа­жет екені белгілі. Осы құ­қық­тық негіздер Конституцияға өзгерістер енгізілгеннен кейін заң жүзінде іске асырылады. Мемле­кет басшысы ха­лық алдына шы­ғып жүргенде өзгерістер мұнымен тоқ­тап қалмайтынын үнемі ай­тып жүр. Менің ойым­ша, осы ре­­­ферендумнан кейін біздің сая­си жүйе­мізде көптеген өзгеріс бо­лады. Оған мен кә­міл сенемін. Жалпы, қоғам жеті үлкен: сая­си, экономикалық, мәдени, әлеу­меттік, рухани, этникалық ас­пек­тіден тұрады. Осылардың ішін­дегі ең негізгісі – саяси ас­пект. Егер сая­си жүйе дұрыс құ­рас­тырылса, қо­ғам дамиды, алға басады. Сон­дық­тан 5 маусым күні өте­тін ре­фе­рендум – сол саяси жүйе­нің өз­геруіне септігін тигі­зе­тін алғаш­қы қадам. «Әділетті Қа­зақстан» деп жария­лаған соң оған дейін болған әді­летсіздіктердің кө­зін жоюға ба­ғыт­талған қадам. Бұл референ­дум құқықтық негіз жа­сап, әділетті Қазақстанға жол ашып береді.