گوندۋراستا تەلەجۋرناليستى ءولتىرىپ كەتتى

گوندۋراستا قارۋلى شابۋىل كەزىندە اۋىر جاراقات العان جۋرناليست قايتىس بولدى دەپ حابارلادى turkystan.kz.

وقيعا ەل استاناسى تەگۋسيگالپادان وڭتۇستىككە قاراي 85 شاقىرىم جەردە ورنالاسقان چولۋتەكا قالاسىندا بولعان.

جەرگىلىكتى تەلەارنا قىزمەتكەرىنىڭ باسىنا وق تيگەن.

جەرگىلىكتى اقپارات قۇرالدارىنىڭ حابارلاۋىنشا، باق قىزمەتكەرىنە ۇيىنەن جۇمىسقا بارا جاتقاندا شابۋىل جاسالعان. بيلىك جەرگىلىكتى تەلەارنا قىزمەتكەرى قىلمىستىق توپتاردىڭ نىساناسىنا ىلىككەن بولۋى مۇمكىن دەپ ەسەپتەيدى.

ءسوز بوستاندىعى كوميتەتىنىڭ مالىمەتىنە سۇيەنسەك، گوندۋراستا جىل باسىنان بەرى ءتورت ءجۋرناليستى ءولتىرىپ كەتكەن. ال 2001 جىلدان بەرى ەلدە 97 جۋرناليست كىسى قولىنان قازا تاپقان.

ۇقساس جاڭالىقتار

Back to top button