قاڭتارداعى قاقتىعىسقا قاتىسقان 72 ادام سوتتالدى

بۇل جايىندا ماجىلىستە ىشكى ىستەر ءمينيسترى مارات احمەتجانوۆ ايتتى دەپ حابارلادى turkystan.kz.

«قازىر پوليتسيانىڭ تەرگەۋىندە 2 919 قىلمىستىق ءىس بار. مىڭنان استام كۇدىكتى قىلمىستىق جاۋاپكەرشىلىككە تارتىلىپ جاتىر. مەملەكەت باسشىسى جازانى جەڭىلدەتەتىن جاعدايلاردى ەسكەرۋدى تاپسىردى. سوندىقتان 400-دەن اسا كۇدىكتىنىڭ 219-ى قاماۋدان بوساتىلدى. ال اۋىر جانە اسا اۋىر قىلمىس جاساعان 184 كۇدىكتى قاماۋدا وتىر»، – دەدى مارات احمەتجانوۆ.

سونىمەن قاتار تەرگەۋ بارىسىندا 12 مىڭنان استام ازاماتتان جاۋاپ الىنعان.

«بۇگىندە 229 ايىپتالۋشىعا قاتىستى ءىس سوتقا جولداندى. قازىردىڭ وزىندە 72 ادام سوتتالدى. ونىڭ بەسەۋى باس بوستاندىعىنان ايىرىلدى. قالعاندارى باسقا جازاعا تارتىلدى»،- دەدى ىشكى ىستەر ءمينيسترى.

تاعى وقي وتىرىڭىز:باس پروكۋرور «قاسىرەتتى قاڭتاردا» 11 وڭىردە زورلىق-زومبىلىق بولعانىن راستادى

ۇقساس جاڭالىقتار

Back to top button