ءۇندىستان قازاقستان مۇنايىن ساتىپ الۋدان باس تارتتى

ۋكرايناداعى احۋالعا بايلانىستى رەسەيگە سالىنعان سانكتسيالاردىڭ زيانى قازاقستانعا دا ءتيدى دەپ جازدى turkystan.kz.

بۇگىن ءۇندىستان بيلىگى قازاقستان مۇنايىن ساتىپ الۋدان باس تارتۋ تۋرالى شەشىم شىعاردى. شەكتەۋ كورشى ەلدەگى Urals پەن ESPO ونىمدەرىنە دە قويىلعان. ءۇندىستاننىڭ مۇناي وڭدەۋ زاۋىتى بۇنى قاۋىپ-قاتەردىڭ الدىن الۋ ءۇشىن جاساعانىن مالىمدەدى.

شەتەلدىك الپاۋىت كومپانيالار رەسەيلىك كاسىپورىنداردىڭ تولەم قابىلەتىنە كۇمان كەلتىرىپ، ساقتاندىرۋ تاۋەكەلدەرى باسىم ەكەنىن العا تارتىپ وتىر. سوندىقتان ءۇندىستان بيلىگى ترەيدەرلەرگە قازاقستاندىق CPC Blend شيكى مۇنايىن ۇسىنباۋدى سۇراعان. بۇل – ەلىمىزدىڭ ەكونوميكاسىنا ۇلكەن سوققى بولارى ءسوزسىز. سەبەبى، ەكسپورتتالعان قارا التىننىڭ 5 پايىزى ۇندىستانعا تيەسىلى. اتاپ ايتقاندا، وتكەن جىلدىڭ وزىندە ۇندىستانعا 3،2 ميلليون توننانىڭ شيكىزاتى ساۋدالانعان. ءسويتىپ، ەل بيۋدجەتىنە 1،5 ميلليارد اقش دوللارىن قۇرايتىن تابىس تۇسكەن.

ەنەرگەتيكا مينيسترلىگىنىڭ حابارلاۋىنشا، ەگەر ساتۋشى مۇنايدى ءموز-دەرگە دەيىن جەتكىزىپ بەرسە عانا IOC مۇنايدى ساتىپ الادى.

ۇقساس جاڭالىقتار

Back to top button