Қысқы Олимпиадада латвиялық спортшы Абайдың әніне биледі

Бейжің Олимпиадасында мәнерлеп сырғанаудан ерлер арасындағы жекелей сын бәсекесінде Абайдың «Айттым сәлем, Қаламқас» әні шырқалды, деп хабарлады turkystan.kz. Бірақ, жарысты ол әнмен Қазақстан спортшысы емес, латвиялық Денис Васильев бастады. Айта кетсек, Денис Васильев 1999 жылы Латвияда дүниеге келген. Жасөспірімдер Олимпиадасының күміс жүлдегері. Латвия біріншілігінің 4 дүркін жеңімпазы және Таллинде өткен Еуропа чемпионатының қола медаль иегері.