Аймақ

Биыл Алматыда 350 мыңға жуық ағаш отырғызу жоспарланған

Көшеттерді тегін тарату акциясы қала тұрғындарын көппәтерлі үйлердің аулалары мен жалпы пайдалану орындарын көгалдандыруға тарту мақсатында өткізіледі. Бұл туралы қала әкімі Бақытжан Сағынтаев «Алматы» ТА-дағы Akimat LIVE  бағдарламасының тікелей эфирінде хабарлады.

whatsapp image 2021 10 20 at 19.59.24
Көшеттерді тегін тарату акциясы қала тұрғындарын көппәтерлі үйлердің аулалары мен жалпы пайдалану орындарын көгалдандыруға тарту мақсатында өткізіледі. Шаған, үйеңкі, шегіршін, терек, қараған мен қайыңның көшеттерін көшеттері беріледі. Өтінімдер ағымдағы жылдың 18-31 қазан аралығында қабылданады. Көшеттерді беру аудан әкімдіктерінде жүзеге асырылады. Алматылықтар «Жасыл қала» акциясының алғашқы екі күнінде 500 көшетке өтінім қалдырды.
Ағаш отырғызу 1-15 қарашаға жоспарланған. Отырғызылған көшеттер кейін фотоесеп ретінде  жіберілуі қажет.
Жалпы, 2021 жылы 350 мыңға жуық ағаш отырғызу жоспарлануда, оның 64 594-і көктемде отырғызылды. Күзгі кезеңде 285 мыңнан астам көшет отырғызу жоспарланған.
Қаланың жаңа шағын аудандарын көгалдандыруға ерекше көңіл бөлінеді. Ағаштардың басым бөлігі Алатау, Наурызбай аудандарында отырғызылады.
Бүгінде Түрксіб ауданының Маяк шағын ауданында 280 түп жапырақты ағаш отырғызылды. ШААЖ және Қарағайлы бордың бойына 8 мыңнан астам ағаш отырғызудың дайындығы басталды.
Back to top button