Жол сапасына салғырт қараған 135 шенеуік жазаланды

Әкімшілік полицияның жол қозғалысы қауіпсіздігі саласындағы қызметін реттейтін нормативтік-құқықтық актілерге сәйкес, 1 қыркүйектен бастап жол және техникалық инспекция қызметкерлері мүдделі қызметтермен бірлесіп автожолдарды күзгі кешенді тексеруді жүргізіп жатыр, – деп жазды Polisia.kz.

Атап айтқанда, жол және техникалық инспекция қызметкерлері «Жол активтерінің ұлттық сапа орталығы» РМК Қостанай облысы бойынша филиалының өкілдерімен бірлесіп, Қостанай облысының аумағы бойынша өтетін республикалық маңызы бар: М-36 «РФ шекарасы (Екатеринбургке)-Алматы», А-21 «Мамлютка-Қостанай», А-16 «Жезқазған-Петропавл» автожолдарына тексеру жүргізді.

Тексеру барысында жол белгілерінің жоқ екені, жол жиектерін бейіндеу бойынша жұмыстар жүргізілмегені, асфальтбетонның шұрық-тесік аумақтары анықталды. Жол белгілері стандарт талаптарына сәйкес келмеді.­

Тексеру нәтижесі бойынша «Қазақавтожол»  ЖШС ҚОФ мердігерлік ұйымының директоры ҚР ӘҚБтК-нің 631-бабының 1-бөлігі бойынша әкімшілік жауапқа тартылды.

Биыл 8 айда жолдың сапасына, күтіп ұстауға салғырт қараған 135 лауазымды тұлға әкімшілік жауапқа тартылды.

Back to top button