Жаңалықтар

Сапарбаев Жамбылдағы жарылыста қаза тапқан әскери прокурордың отбасына көңіл айтты

Бердібек Сапарбаев қаза тапқан әскери прокурордың отбасына көңіл айтты.
Жамбыл облысының әкімі Бердібек Сапарбаев, облыстық мәслихаттың хатшысы Махметғали Сарыбеков және  облыс прокуроры Нұрғалым Әбдіровпен бірге Байзақ ауданында жарылыс салдарынан қаза тапқан Оңтүстік округтің әскери прокуроры Арман Қапезовтың отбасына барды.
Бердібек Сапарбаев марқұмның туған-тыстарына ҚР Тұңғыш Президенті – Елбасы Нұрсұлтан Назарбаев пен Президент Қасым-Жомарт Тоқаевтың атынан көңіл айтты.
Аймақ басшысы Арман Қапезов қызметтік міндеттерін орындау кезінде ерлікпен қаза тапқанын және сол ерлігі лайықты бағаланып, оның отбасына мемлекет тарапынан барлық қажетті көмек көрсетілетінін жеткізді.

Back to top button