الماس مىر­زاتاي: Porshe-دە باستالعان ەڭبەك جولىم Microsoft-تا ءساتتى جالعاستى

بىلتىر Microsoft كومپانياسى Microsoft Translator ءتىل­دەر تو­بىنا قازاق ءتىلى­نىڭ قوسىلعانىن رەسمي ءتۇر­دە حابارلاعان بو­لا­تىن. سونداي-اق، بيىل اق­پان ايىندا قازاق ءتى­لىنىڭ Microsoft Teams پلات­فورماسىنا ەنگى­زىل­گەنى بەلگىلى بولدى. سوڭ­عى ەكى جىلدا ءوز ءونىم­دەرىن قولدانۋ ءتىل­دەرى قاتارىنا قا­زاق ءتى­لىن ەنگىزىپ جۇرگەن بۇل الپاۋىت كوم­پا­نيا­دا وتانداسىمىز الماس مىر­­زاتاي جۇمىس ىستەيدى. Microsoft-تىڭ اتلانتا قالا­سىن­داعى كەڭسە­سىندە ينجەنەر-پروگرامميست بولىپ قىزمەت ەتە­تىن الماس وعان دەيىن ايگىلى Porshe كومپانياسىندا ەڭبەك ەت­كەن. جۇمىسىنان قولى قالت ەتكەن ۋاقىتتا ابايدىڭ شى­عارمالارىن اعىلشىن تىلىنە اۋدارىپ جۇرگەن، الداعى ۋا­قىت­تا باعدارلاما جاساقتاۋ بويىنشا قازاق تىلىندە كۋرس اش­قىسى كەلەتىن الماسقا حابارلاسىپ، اڭگىمەگە تارتقان ەدىك.

ءبىزدىڭ انىقتاما:
تۋعان جىلى: 1995
تۋعان جەرى: الماتى
ءبىلىمى: ەموري ۋنيۆەرسيتەتى، دجوردجيا تەحنولوگيا ينستيتۋتى (اقش، اتلانتا)
قىزمەتى: Microsoft كومپانياسىنىڭ اتلانتا قالا­سىن­داعى كەڭسەسىندە ينجەنەر-پروگرامميست

– 8-سىنىپتى اياقتاعان سوڭ، الما­تى­دان امەريكاعا وقۋعا جالعىز اتتانىپ، مەك­تەپتى سوندا اياقتاپسىز. امە­ري­كاعا بەل­گىلى ءبىر باعدارلاما بويىنشا بارىپ، قا­لىپ قوي­دىڭىز با، الدە وقۋشىلارعا ار­نالعان گرانت ۇتىپ الدىڭىز با؟

– نەگىزى، مەن – الماتىنىڭ تۋماسىمىن، بىراق مەن تۋعان سوڭ جيىر­ما كۇننەن كەيىن اتا-اجەم مەنى ءوز قامقورلىعىنا العان. بىزدە ادەتتە اتا-اجەلەر تۇڭعىش نەمەرەسىن باۋى­رى­نا باسادى عوي. ءسوي­تىپ، مەن دە جەزقازعاندا سول كىسىلەردىڭ تاربيەسىندە بولدىم. سو­سىن ال­ماتىعا كەلىپ، 7-سىنىپقا دەيىن №146 مەك­تەپتە وقى­دىم. كەيىن جەزقازعانعا قايتا بارىپ، وندا قازاق-تۇرىك ليتسەيىندە ەكى جىل وقىدىم. 8-سىنىپتا وقىپ جۇرگەندە سىنىپ جە­تەكشىم ازامات اعاي ءبىر جىل وقۋدى امە­ري­كادا جالعاستىرۋ مۇمكىندىگى بار ەكەنىن ايت­تى. شىنى كەرەك، ادەپكىدە شەتەلدە وقۋدى ار­ماندامادىم. اعايدىڭ بۇل ايتقانىنا دۇرىس ءمان بەرمەدىم. ونىڭ ۇستىنە، اتا-اناما ايتۋعا جۇرەكسىندىم. ويتكەنى امەريكالىق مەكتەپتەگى ءبىر جىل وقۋدىڭ اقىسىن تولەۋ كەرەك بولدى. كەيىننەن مۇنداي مۇمكىندىكتىڭ بار ەكەنىن وزگەلەردەن ەستىگەن ولار وقۋىما قار­جى جاعىنان كومەكتەسەتىندەرىن ايتىپ، الاڭ­داماي وقىپ كەلۋىمە قولداۋ ءبىلدىردى. دە­سەك تە انام باسىندا مەنى جالعىز جىبەرۋگە قو­رىقتى. اتام مۇنداي مۇمكىندىكتى ءمۇلت جىبەرىپ الماۋ كەرەك ەكەنىن ايتىپ، اقىرى انامدى كوندىردى. بۇعان قوسا، بۇل قازاق-تۇرىك ليتسەيىمەن تىعىز بايلانىس ورناتقان مەكتەپ بول­عاندىقتان، اي سايىن ستيپەنديا تولە­نە­تىن بولدى. ءسويتىپ، 14 جاسىمدا امەريكاعا وقۋ­عا كەلدىم. العاشقى وقۋ جىلىندا قوسىم­شا كۋرس الىپ، ءتۇرلى كلۋبتارداعى جيىنعا قاتىستىم. بۇدان بولەك، شتات دەڭگەيىندە، الەم­دىك وليمپيادالارعا قاتىستىم. سونداي-اق، مەكتەپتە روبوت قۇراستىرۋ سىنىبىن اش­تىم. ۇلگەرىمىم وتە جاقسى ءارى مەكتەپتە بەلسەندى بولعاندىقتان، مەكتەپ اكىمشىلىگى ماعان تاعى ءبىر ستيپەنديا تاعايىنداپ، وقۋدى وسى جەردەن اياقتاۋىما مۇمكىندىك بەردى.

الماس مىر­زاتاي: Porshe-دە باستالعان ەڭبەك جولىم Microsoft-تا ءساتتى جالعاستى

– امەريكاعا وقۋعا كەلە سالا مەك­تەپ­تە روبوت قۇراستىرۋ سىنىبىنىڭ اشىلۋىنا تۇرتكى بولعانىڭىزعا قارا­عان­دا تەحنيكالىق عىلىمدارعا قازاق­ستاندا ءجۇرىپ قىزىققان بولدىڭىز عوي؟

– نەگىزى، ەلدە وقىپ جۇرگەندە گۋماني­تا­ريا­لىق عىلىمدارعا جاقىن بولدىم. امەري­كاعا كەلگەندە تەحنيكالىق عىلىمدارعا قى­زى­عۋشىلىعىم اۋىپ، ماتەماتيكادان قوسىم­شا ساباقتار الدىم. ءسويتىپ، بىرتە-بىرتە عى­لىم­عا دەن قويا باستادىم. ەلدە جۇرگەندە مەن وقىعان امەريكالىق مەكتەپتىڭ بروشۋرا­سىنان روبوت قۇراستىرۋ سىنىبى بار ەكەنىن وقىعان بولاتىنمىن. بىراق وسىندا كەلگەن سوڭ ءىت بويىنشا ساباق بەرەتىن مۇعالىم ول مەكتەپتىڭ جابىلىپ قالعانىن ايتتى. ءسويتىپ، ونى قايتا اشۋ تۋرالى ۇسىنىس ايتىپ، كو­ماندا جاساقتادىم. العاشقى جىلى ەلەڭ ەتكىزەتىندەي ەشتەڭە جاساي قويمادىق. ال 10 سىنىپتا ءتۇرلى الەمدىك جارىستارعا قاتىسىپ، كوپ­تەگەن جۇلدە الدىق. 12 سىنىپتا عيما­رات­تى ءورت شالعاندا نەمەسە تاعى باسقا اپاتتى جاع­داي بولعاندا ىشىنە كىرە الاتىن اۆتو­نوم­دىق روبوت قۇراستىردىم. وسىلايشا، جاڭا تەح­نولوگيا قۇراستىرۋعا اۋەستەنىپ، اقىرىندا اتلانتاداعى ەمەري ۋنيۆەرسيتەتىنە وقۋعا ءتۇسىپ، كومپيۋتەر عىلىمى جانە ەكونوميكا مەن ماتەماتيكا ماماندىعى بويىنشا قوس ديپ­لوم الىپ شىقتىم. قازىر ءوز ماماندىعىم بويىنشا دجوردجيا تەحنولوگيا ينستيتۋ­تى­نىڭ ماگيستراتۋرا بولىمىندە وقيمىن.

الماس مىر­زاتاي: Porshe-دە باستالعان ەڭبەك جولىم Microsoft-تا ءساتتى جالعاستى

– ۋنيۆەرسيتەت بىتىرە سالا الەمدەگى ەڭ ءىرى اۆتوكولىك وندىرۋشىلەردىڭ ءبىرى – Porshe كومپانياسىنىڭ باس كەڭسەسىنە جۇ­مىس­قا تۇرىپسىز…

– 4-كۋرستا وقىپ جۇرگەندە جۇزدەن استام كومپانياعا تۇيىندەمە جىبەرگەنمىن. بىراق ەشقايسىسىنان جاۋاپ كەلمەدى. ونىڭ ۇستىنە، ول كەزدە پرەزيدەنت بولعان دونالد ترامپ يمميگرانتتاردىڭ، شەتەلدىك ستۋدەنتتەردىڭ امەريكاعا كوپتەپ كەلۋىنە قارسى ەدى، سون­دىقتان بىردەن جۇمىس تابۋ قيىن بولدى. وعان قوسا، ول ۋاقىتتا ۋنيۆەرسيتەتتە كومپيۋ­تەرلىك باعدارلامالاۋ بويىنشا زەرتتەۋ جۇرگىزەتىن زەرتحانادا جانە جاتاقحانادا ءتار­بيەشى بولىپ جۇمىس ىستەدىم. 1-كۋرس ستۋ­دەنت­تەرىنە باعدارلاما جاساقتاۋدىڭ قىر-سىرىن ۇيرەتىپ، سۇحبات ۇيىمداستىرۋعا جاۋاپتى بولدىم. بۇدان بولەك، ولارعا ءبىر جىل بويى ستۋدەنتتىك ومىرگە توسەلۋگە، دۇرىس كۋرس تاڭداۋعا، ەمتيحاندى ويداعىداي تاپ­سىرۋعا كومەكتەستىم. ءسويتىپ جۇرگەندە ءبىر كۇنى ءبىر توپ ادام جىل سايىن ۇيىمداستىرى­لا­تىن جۇمىس جارمەڭكەسىنە باردىق. بۇل ءجار­مەڭكەگە قاتىساتىن ءىرى كومپانيالاردىڭ كوبى شەتەلدىك ستۋدەنتتەردى جۇمىسقا ال­مايدى، Porshe دە سولاردىڭ قاتارىندا. مۇنى بىلگەن مەن Porshe-ءنىڭ وكىلدەرىنە ءتۇيىن­دەمەمدى تاستاۋ بەكەر دەپ ويلادىم. بىردە دوسىم Porshe-ءنىڭ الگى وكىلدەرى كوپشىلىككە سىي رەتىندە ويىنشىق كىشكەنە كولىك تاراتىپ جاتقانىن ايتتى. ەستەلىك بولسىن، الا سالايىق دەپ ولاردىڭ قاسىنا بارىپ، الگى سىيلىقتى ءبىز دە الدىق. سول كەزدە مۇمكىن­دىكتى پايدالانىپ، Porshe-ءنىڭ رەكرۋتەرىمەن سويلەسىپ، تۇيىندەمەمدى تاستاپ كەتتىم. بىراق الگىندە ايتقانداي شەتەلدىك ستۋدەنتتەردى قابىلدامايتىنىن ەسكەرىپ، ولاردان جاۋاپ كۇتپەدىم. ەكى اپتا وتەر-وتپەس ۋاقىتتا الگى رەكرۋتەر قوڭىراۋ شالىپ، كادر بولىمىنە حابارلاسۋىم كەرەك ەكەنىن ايتتى. ءسويتىپ، ۇزاققا سوزىلعان، ءتورت كەزەڭنەن قۇرالعان پروتسەسس باستالىپ كەتتى. بىراق مەن ول كەزدە تۇڭعىش دەربەس كومپيۋتەردى ويلاپ تاپقان ءىۆم كومپانياسىنا دا قۇجاتتارىمدى تاپسىرىپ، جۇمىسقا تۇرۋدى كوزدەپ جۇرگەن­مىن. سول ۋاقىتتا ءىBM وكىلدەرى پرەزەنتاتسيا جاساۋ ءۇشىن مەنى چيكاگو قالاسىنا جىبەرگەن ەدى، بىراق ولار جۇمىسقا الاتىنىن-ال­مايتىنىن مامىر ايىندا ناقتى ايتامىز دەگەن بولاتىن. ال ناۋرىز ايىندا ءتورتىنشى كەزەڭ اياقتالعان بويدا Porshe-ءنىڭ وكىلدەرى حابارلاسىپ، جۇمىسقا قابىلداۋعا ءازىر ەكەنىن، ەكى-ءۇش كۇندە جاۋاپ بەرۋىم كەرەك ەكەنىن ايتتى. ولارعا باسقا كومپانيانىڭ جاۋابىن كۇتىپ وتىرعانىمدى ايتىپ، باستاپ­قىدا وندا جۇمىس ىستەۋدەن باس تارتتىم (ك ۇلىپ). سوسىن ەكى كۇننەن سوڭ كادر بولىمىنەن قايتا حابارلاسىپ «جاساعان پرەزەنتاتسياڭىز مەنەدجەرگە قاتتى ۇنادى. قاجەت بولسا، ءسىزدى مامىرعا دەيىن كۇتەمىز» دەدى. ءسويتىپ، مامىر ايى كەلگەندە ءىۆم وكىلدەرى بارلىعى ماۋسىم ايىندا ناقتى بەلگىلى بولاتىنىن ايتىپ، ۋاقىتتى سوزىپ ءجۇردى. اقىرىندا ول جۇمىس­تان باس تارتىپ، Porshe كومپانياسىنا جۇ­مىسقا تۇردىم.

الماس مىر­زاتاي: Porshe-دە باستالعان ەڭبەك جولىم Microsoft-تا ءساتتى جالعاستى

– Porshe-دە قانداي قىزمەتكە جاۋاپ­تى بولدىڭىز؟

–وندا داتا ساينتيست قىزمەتىن اتقاردىم، مۇنىمەن قوسا كونسالتينگ باعىتى بويىنشا جۇمىس ىستەدىم. Porshe ماركالى كولىگىن ال­عىسى كەلەتىن كليەنت ونى ءبىز ارقىلى ءوز ويىنداعىداي ەتىپ، ارلەپ، ساندەپ، وڭدەي الادى. مەن جۇمىس ىستەگەن ۆەب-سايت ارقىلى ولار «ماعان وسىنداي قوزعالتقىش كەرەك»، «ماعان ەكى ورىندى كولىك كەرەك»، «ورىن­دى­عىما اتى-ءجونىمدى جازدىرتىپ العىم كەلەدى» دەگەن سەكىلدى پارامەترلەردى تاڭدايدى. مەن سول پارامەترلەردەن الگوريتم قۇراستىرىپ، ولاردىڭ قالاعانىنا ۇقسايدى-اۋ دەگەن ءارى قالتاسى كوتەرە الاتىن وپتسيالار ۇسىنامىن. بۇعان قوسا، جوعارىدا ايتىپ وتكەنىمدەي، كونسالتينگ بويىنشا تۋىنداعان ماسەلەلەردى قاراستىرۋعا جاۋاپتى بولدىم. الەمدى جاي­لاعان پاندەميا كولىك ساۋداسىنا كەرى اسە­رىن تيگىزەتىنى بەلگىلى. سول كەزدە ءبىز كومپانيا باسشىلارى مەن سەرىكتەستەرگە دەرەكتەر مەن ساندارعا سۇيەنىپ، الگوريتم جاساپ شىعارا­مىز. ياعني، ولارعا «بىزدىڭشە، مىنا مودەل جاق­سى ساتىلاتىن سەكىلدى. مۇنىڭ ساتىلۋىنا ەكونوميكالىق فاكتور اسەر ەتەدى دەپ باعالاپ وتىرمىز» دەگەندەي ۇسىنىستار ايتامىز.

– Microsoft كومپانياسىنىڭ وكىلدەرى ءسىز­گە وزدەرى حابارلاسىپ، جۇمىسقا شا­قىر­عان دەسەدى…

– ءوزىڭىز بىلەتىندەي Linkedin جەلىسى ارقىلى جۇمىس تابۋ، جۇمىسشى تابۋ دا وڭاي. سول Linkedin-دە «ءىلۋلى» تۇرعان تۇيىندەمەمدى كورگەن Microsoft رەكرۋتەرى ماعان حابارلاسىپ، مەن تۇرىپ جاتقان اتلانتا قالاسىندا ەكى مىڭ قىزمەتكەر جۇمىس ىستەيتىن جاڭا كەڭسە اشىلىپ جاتقانىن جەتكىزىپ، سوندا جۇمىسقا تۇرۋ مۇمكىندىگى بار ەكەنىن ايتتى. ءسويتىپ، Porshe-دەگىدەي مۇندا دا ءتورت كەزەڭنەن ءمۇ­دىرمەي ءوتىپ، وسىندا جۇمىسقا اۋىسۋ تۋرالى شەشىم قابىلدادىم. قازىر Microsoft-ءتىڭ اتلانتاداعى كەڭسەسىندە ينجەنەر-پروگرام­ميست بولىپ جۇمىس ىستەيمىن. نەگىزى، Microsoft-قا جۇمىسقا تۇرعانعا دەيىن دە باعدارلاما جا­ساقتاۋ ىسىنە قىزىعىپ جۇرگەنمىن. قازىر ءوزى­مە قىزىقتى بۇل ىسپەن اينالىسىپ ءجۇر­گەنىمە شۇكىر ەتەمىن.

الماس مىر­زاتاي: Porshe-دە باستالعان ەڭبەك جولىم Microsoft-تا ءساتتى جالعاستى

– 2020 جىلعى 3 ماۋسىم كۇنى Microsoft اكىمشىلىگى قازاق ءتىلىنىڭ Microsoft Translator تىلدەر توبىنا قوسىلعانىن حابارلاپ، Microsoft Translator-دىڭ بلوگىندا «قازاق ءتىلى، قوش كەلدىڭ! (Welcome، Kazakh!)» دەپ جازبا جاريالاعان بولاتىن. سونداي-اق، بيىل اقپان ايىن­دا قازاق ءتىلىنىڭ Microsoft Teams پلات­فور­ماسىنا كىرىكتىرىلگەنىن ءمالىم­دەدى. مۇن­داي كەزدە قازاق تىلىنە قاتىستى جاڭا­­لىقتاردى ءبىرىنشى ەستيتىن بولار­سىز؟

– نەگىزى، Microsoft – ءۇرىم-بۇتاعى الىپ ءباي­­تەرەكتىڭ تامىرىنداي تارام-تارام بولىپ كەڭگە جايىلعان كومپانيا. مىسالى، Microsoft-تىڭ ءبىر تارامى – Microsoft وffice-ءتىڭ Word، Excel، PowerPoint جانە OneNote سياقتى باعدارلامالارى كۇن سايىن جاڭارىپ وتىرادى. ودان بولەك، كۇنىنە پوشتاعا بەس جۇزدەن استام حات كەلەدى. مۇنىڭ بارلىعىن قاراۋعا، باقىلاۋعا ۋاقىت تابا المايسىڭ. ايىنا ءبىر رەت ديۆيزيالار، سونىڭ ىشىندە بەلگىلى ءبىر ءونىم ازىرلەۋگە جاۋاپتى كومان­دالار ۇلكەن جينالىس وتكىزەدى. بۇل جيىندا ءار كوماندا ءوز باعىتى بويىنشا اتقارعان جۇمىسىن پىسىقتاپ، الداعى ۋاقىتقا جوسپار قۇرىپ، بولجام جاسايدى. سول سەبەپتى Microsoft-تا قازاق تىلىنە قاتىستى جاڭالىق­تاردى ءبىرىنشى ەستيمىن دەپ ايتا المايمىن.

– جەكە سايتىڭىزعا كىرگەنىمدە لاتىن ءالىپ­بيىنە اۋىستىراتىن Qazconverter باع­­دارلاماسىن جاساعانىڭىزدى بايقا­دىم. ءبى­راق قازىر بۇل باعدارلاما ىستە­مەي­تىن سەكىلدى. مۇنداي جوبالار اسا قا­جەت ۋاقىتتا مۇنى ارى قاراي دامىتۋعا نەگە تىرىسىپ كور­مە­دىڭىز؟

– مەن بۇل باعدارلامانى ەكى جىل بۇرىن ەلدە لاتىن الىپبيىنە اۋىسۋ ەندى-ەندى تال­قى­لانىپ جاتقاندا جاساعانمىن. سول ۋاقىتتا ۆەب-سايت جاساۋدىڭ قىر-سىرىن ۇيرەنىپ ءجۇر­گەن ەدىم. سوسىن ءوزىم دە بىردەڭە ۇيرەنەيىن، ءوز­گە­لەرگە دە پايداسى ءتيسىن دەپ وسى باعدار­لامانى ازىرلەدىم. بىراق مەن مۇنى لاتىن ءالىپ­بيىنىڭ ەسكى نۇسقاسى بويىنشا ازىرلەدىم. سول كەزدە بۇل جوبام كوپشىلىككە اناۋ ايتقانداي جاڭالىق بولمادى، ەشكىمنەن قول­داۋ تاپپادى. بۇعان قوسا، ول ۋاقىتتا لا­تىن الىپبيىنە تۇگەلدەي اۋىسۋ مۇمكىن ەمەستەي كورىندى. بىراق مەن Qazconverter-ءدى ءبىر اي بويى دامىتۋعا تىرىستىم. Instagram-دا Qazconverter-ءدىڭ اتىنان ارنايى بوت-پاراق­شا اشىپ، ول بوتتى ارنايى ەنگىزىلگەن حەش­تەگتەر ارقىلى قولدانۋشىلاردىڭ پاراق­شاسىنداعى سۋرەتتەرىنە لايك باسىپ، پىكىر قالدىراتىنداي ەتىپ جاساپ قويدىم. كەيىن­نەن ونى Instagram جاۋىپ تاستادى. ويتكەنى بۇلاي جاساۋ – دۇرىس ەمەس. سوسىن مەن دە Qazconverter-ءدى جابۋىما تۋرا كەلدى. جۇمىس پەن وقۋدى قاتار الۋ قيىنعا سوعىپ جۇرگەن ۋا­قىتتا باسقا ماڭىزدى باعدارلامانى قۇراس­تىرۋ، ونى دامىتۋ وڭاي ەمەس. جالپى، باع­دار­لاما جاساقتاۋ بويىنشا ورىس جانە قازاق ءتى­لىندە ونلاين كۋرس جاساۋعا بۇرىننان قى­زىعىپ ءجۇرمىن. ماگيستراتۋرانى اياقتاعان سوڭ، وسى ءىستى شىنداپ قولعا الۋدى جوسپارلاپ وتىرمىن.

الماس مىر­زاتاي: Porshe-دە باستالعان ەڭبەك جولىم Microsoft-تا ءساتتى جالعاستى

– الەۋمەتتىك جەلىدەگى پاراقشاڭىزعا اباي­دىڭ «جەلسىز تۇندە جارىق اي!» ولەڭىن اعىلشىن تىلىنە اۋدارىپ، جا­ريالاپ، قازاق مادەنيەتىمەن ماق­تانا­تىنىڭىزدى ايتىپ، قازاق شىعارما­لارىن اعىلشىن تىلىنە نەگە اۋدارماسقا دەپ جازدىڭىز. ءتىپتى شەتەلدىكتەردىڭ اۋ­دارماڭىزعا تامسانىپ، ولەڭگە قى­زىق­قانىن بايقادىم. كەلەسىدە قانداي شى­عارما اۋدارماقسىز؟

– ءيا، سول نۇسقام اسىرەسە شەتەلدىك دوس­تارىم مەن ارىپتەستەرىمە قاتتى ۇنادى. نەگە ەكە­نىن بىلمەيمىن، سوڭعى كەزدە قازاقشا ولەڭ­دەردى اعىلشىن تىلىنە اۋدارۋعا قۇلشىنىسىم ارتىپ ءجۇر. ونىڭ ۇستىنە، قازاق تىلىندەگى كەرە­مەت تۋىندىلاردىڭ كوبى اعىلشىن تىلىنە اۋدارىلا بەرمەيدى عوي. پوەمانى بىردەن اۋدارۋ قيىن، سول سەبەپتى پروزادان باستاۋ كەرەك. قازىر ابايدىڭ قارا سوزدەرىن اۋدارىپ جا­تىرمىن. ازىرگە ەكى قارا ءسوزىن عانا اۋ­داردىم. سوسىن «قوزى كورپەش-بايان سۇلۋ» پە­ساسىن اۋدارعىم كەلەدى. نەگىزى، مەنىڭ اتام – يبراھيم بەك­ما­حا­نوۆ اقىن، جازۋشى بولعان كىسى. جازۋ­شىلار جانە جۋرناليستەر وداعىنىڭ مۇشەسى، «اقپارات سالاسىنىڭ ۇزدىگى» بولعان. ادە­بيەتكە، مادەنيەتكە قىزىعۋشىلىعىمدى وياتقان – سول اتام. ول ەكەۋىمىز الماتىدا م.اۋەزوۆ تەاترىنا ءتۇرلى قويىلىمداردى تاما­شالاۋعا ءجيى باراتىنبىز. جالپى، مەن ءاردايىم مىنانى ايتامىن: ءار قازاق كەم دە­گەندە ونەردەن ءابىلحان قاستەەۆتىڭ، مۋزىكادان ءشامشى قالداياقوۆتىڭ، پوەزيادان اباي قۇنان­باەۆتىڭ، ال پروزادان مۇحتار اۋەزوۆ­تىڭ ءومىربايانى مەن تۋىندىلارىن ءبىلىپ ءجۇرۋى كەرەك. ءبىزدىڭ مادەنيەتىمىزدى وسى كىسى­لەر­دىڭ تۋىندىلارى ارقىلى بىردەن تانيسىز دەسەم، ارتىق ەمەس.

الماس مىر­زاتاي: Porshe-دە باستالعان ەڭبەك جولىم Microsoft-تا ءساتتى جالعاستى
الماس اتا-اجەسىمەن بىرگە

– ءسوز سوڭىندا ءوزىڭىز سەكىلدى جاس­تايى­نان ءبىلىم، عىلىم جولىن قۋىپ ءجۇر­گەن وقۋشىلارعا نە ايتاسىز؟

– ۋاقىتىڭىزدى قادىرلەي بىلىڭىزدەر دەي­مىن. ءوز باسىم ۋاقىتتى وتە قادىرلەيمىن. ءويت­كەنى بىزدەگى ەڭ قىمبات زات – ۋاقىت. سوسىن مەك­تەپ وقۋشىلارىنا ايتارىم – كىتاپتى كوپتەپ وقىڭىزدار. ءۇي تاپسىرماسى رەتىندە ءۇزىندىسىن عانا وقۋعا بەرەتىن شىعارمالاردان بولەك، وزگە كىتاپتار وقىڭىزدار. «كىتاپ – ءبى­لىم بۇلاعى» دەپ بەكەر ايتپايدى. سوسىن تاعى ءبىر ماڭىزدى جايت، بىرەۋدىڭ جەتەگىنە ەرمەي، ايتقانىنا كونبەي، كۇندىز-ءتۇنى، جاتسا دا، تۇر­سا دا ويىنان كەتپەي، قىزىعۋشىلىعى ورا­سان سالا بويىنشا وقىڭىزدار دەگىم كەلە­دى. تۇسىنەمىن، مەكتەپ قابىرعاسىندا جۇرگەندە بولاشاعىڭدى قاي سالامەن بايلانىستىرعىڭ كەلەتىنىن انىقتاۋ قيىن. دەسەك تە بەلگىلى ءبىر سالاعا قۇشتارلىعىڭ ارتىپ، ۇمتىلىپ تۇر­عا­نىڭدى تۇسىنگەن ءسات كەلگەندە ونى ۋىس­تارىڭىز­عا مىقتاپ ۇستاپ الىپ، ارمەن قاراي دا­مىتا بەرىڭىزدەر. ويىڭىز بەن بويىڭىزعا ساي كەلمەيتىن سالا بويىنشا جۇمىس ىستەۋدىڭ قاجەتى جوق. مىسالى، بىزدە ەكونوميكا بويىن­شا ءتورت جىل ءبىلىم الىپ، اقىر اياعىندا باسقا ماماندىق بويىنشا جۇمىس ىستەپ جۇرگەندەر جەتەرلىك. ولاردىڭ جۇمىسىنا ىنتاسى جوق ەكەنى جۇزىنەن-اق كورىنىپ تۇرادى. ەشتەڭەگە قىزىقپايتىن ولار تاڭەرتەڭ ساعات توعىزدان كەشكى بەسكە دەيىن التىن ۋاقىتىن بەكەرگە وتكىزىپ جۇرەدى. سول سەبەپتى وسىنداي كۇيگە تۇسپەس ءۇشىن مەكتەپتە وقىپ جۇرگەننەن باستاپ ءوز سالاڭىزدى اداسپاي تاۋىپ الۋعا تىرىسىڭىز.

اڭگىمەلەسكەن
ءاليا تىلەۋجانقىزى

Back to top button