623
Тәуелсіздік күнтізбесі
Тәуелсіздік күнтізбесі
- 1994 жылғы 14 наурызда Қазақ мемлекеттік заң институты құрылды. 1996 жылы қарашада Қазақ мемлекеттік заң университетіне, ал 2000 жылы ақпанда Мемлекет және құқық институтымен бірігіп, Қазақ мемлекеттік заң академиясына айналды. 2001 жылы қазанда Қазақ гуманитарлық заң университеті болып қайта құрылды.
- 1995 жылғы 17 наурызда Қазақстан Республикасы Президенті Нұрсұлтан Назарбаевтың Жарлығымен Қазақстан Республикасының Орталық сайлау комиссиясы құрылды.
- 1999 жылғы 15 наурызда Қазақстан Республикасы Президенті Нұрсұлтан Назарбаевтың «ҚР мемлекеттік құпияларын қорғау жөніндегі агенттігі туралы» Жарлығы шықты.
- 2001 жылғы 13 наурызда Алматыда Қазақ сәулет-құрылыс академиясының студенттер жатақханасында Халық Қаһарманы Қайрат Рысқұлбековке ескерткіш тақта орнатылды.
- 2004 жылғы 14 наурызда Астрофизиологиялық зерттеулер орталығы құрылды. Орталық 2008 жылғы 22 қаңтарда «Ұлттық ғарыштық зерттеулер мен технологиялар орталығы» АҚ болып қайта құрылды.
- 2006 жылғы 14 наурызда Лондонда Қазақстанның алғашқы инаугурациялық инвестициялық саммиті өтті. Саммитті Американың Қазақстандағы сауда палатасының қолдауымен Қазақстан Республикасының Ұлыбританиядағы елшілігі Британияның Adam Smith Cоnferences компаниясымен бірлесіп ұйымдастырған.
- 2007 жылғы 11 наурызда Қазақстанның Тұңғыш Президенті Нұрсұлтан Назарбаевқа Қатар мемлекетінің «Тәуелсіздік» ордені табыс етілді. Бұл – шетелдік мемлекеттер басшыларына берілетін ең жоғары награда.
- 2009 жылғы 16 наурызда Алматыда «Алаш Орда» деректі фильмінің таныстырылымы болды. Фильмнің режиссері – танымал киноматографист Қалила Омаров. Фильм Қазақстан Республикасының Ақпарат және мәдениет министрлігінің тапсырмасымен «Алаш» қозғалысының 90 жылдығына арналып түсірілген.
- 2010 жылғы 12 наурызда Дрезден қаласында Қазақстан Республикасының құрметті консулдығының ашылу рәсімі өтті. Консулдықтың қызметі Германияның Саксония және Саксония-Ангаоль федералдық жерлеріне таралады.
