رەسەيدە استانا كۇندەرى وتەدى

ماسكەۋ تۇرعىندارى قازاقستان ەلورداسىنىڭ ونەرى، تاريحى جانە قازىرگى ومىرىمەن تانىسادى. رەسەي استاناسىندا ەكى كۇن بويى ىسكەرلىك ىنتىماقتاستىق فورۋمى، ەكى قالانىڭ بوكستان جولداستىق كەزدەسۋلەرى، كينو قويىلىم جانە كورمە وتەدى. استانا دەلەگاتسياسىن قالا اكىمى اسەت يسەكەشەۆ باستاپ، قالا ءماسليحاتىنىڭ وكىلدەرى، كاسىپكەرلەر، مادەنيەت قايراتكەرلەرى مەن سپورتشىلار، ونىڭ ىشىندە وليمپيادا چەمپيونى دانيار ەلەۋسىنوۆ بارادى.

استانا كۇندەرى 19 قىركۇيەكتە حالىق شارۋاشىلىعى جەتىستىكتەرى كورمەسىندە (حشجك) سالتاناتتى تۇردە اشىلادى. حشجك-دا «ەتنواۋىل» كورمەسى دە جۇمىس ىستەيدى. بۇل جەردە كيىز ءۇي تىگىلىپ، دالا حالقىنىڭ ۇلتتىق ءبيى، قىمىز بەن شۇبات، قولىندا بۇركىت ۇستاعان اڭشىلاردى كورىپ، كادەسىي ساتىپ الۋعا بولادى. كەشكە مەملەكەتتىك كرەمل سارايىندا قازاقستان ونەر قايراتكەرلەرىنىڭ گالا-كونتسەرتى وتەدى.

20 قىركۇيەكتە ماسكەۋ ساۋدا-ونەركاسىپ پالاتاسىندا استانا مەن ماسكەۋ ىسكەر ىنتىماقتاستىعىنىڭ فورۋمى باستالادى. مۇندا ەكونوميكا، مادەنيەت، تۋريزم سالاسىنداعى جۇمىس تالقىلانىپ، «Smart Cities – استانا مەن ماسكەۋ» اتتى قالانىڭ دامۋ جوباسى تانىستىرىلادى.

استانا كۇندەرى مادەني باعدارلاماسىنىڭ اياسىندا ماسكەۋ حالىقارالىق مۋزىكا ۇيىندە «تۇمار – ساق پاتشايىمى» قويىلىمى بولادى. بۇدان باسقا، رەسەي استاناسىندا «جۋسان ءيىسى» اتاقتى قازاق سۋرەتشىلەرى مەن مۇسىنشىلەرى جۇمىسىنىڭ كورمەسى وتەدى.

ۇقساس جاڭالىقتار

Back to top button