Полицей мен күзетшінің қақтығысы: 26 жастағы азамат қамауға алынды

Қарағандыда полиция қызметкерлеріне қарсылық көрсеткен караоке клубтың күзетшісі екі тәулікке қамауға алынды, – деп жазды Polisia.kz.

28 қараша күні Қарағанды қаласында «Құқықтық тәртіп» жедел-профилактикалық іс-шарасы барысында полицияның Оңтүстік-Шығыс бөлімінің қызметкерлері сағат 23:15-те карантин режимінің шектеу шараларын бұзған караоке клубын анықтады.

Көңіл көтеру орнын тексеру кезінде 26 жастағы күзетші полиция қызметкерлерінің заңды талаптарына бағынбаған.

Бұл факті бойынша ҚР ӘҚБтК-нің 667-бабы 1-тармағы негізінде («Құқық қорғау органы қызметкерінің заңды өкіміне немесе талабына бағынбау») әкімшілік хаттама толтырылды. Жиналған материал соттың қарауына жіберілді.

3 желтоқсан күні Қарағандының мамандандырылған әкімшілік сотының қаулысымен тәртіп бұзушы екі тәулікке қамауға алу түрінде әкімшілік жазаға тартылды.

Back to top button