1 Шілде, 09:34 383 0 Жаңалықтар Анар ЛЕПЕСОВА

Нұр-Сұлтанда жаңа көше мен саябақ ашылады

Инфрақұрылымдық жобаларды жүзеге асыруға қатысушылардың орташа жалақысы – 120 мың теңге, деп хабарлайды әкімдіктің ресми сайты.

«Жұмыспен қамтудың жол картасы» мемлекеттік бағдарламасын іске қосу – елордада пандемия кезінде жұмыспен қамтуды қамтамасыз ету шараларының бірі. Оның мақсаты – жұмыссыздыққа жол бермеу және қосымша жұмыс орындарын құру. Бағдарлама аясында үш ірі инфрақұрылымдық нысанның құрылысы жүргізілуде.

Сонымен, № 49 мектепті күрделі жөндеу кезінде 98 жаңа жұмыс орнын ашу жоспарлануда, оның 55- і Халықты жұмыспен қамту орталығы арқылы. Қазіргі уақытта жұмыспен қамту жол картасы бойынша нақты 28 адам жұмысқа орналастырылды. Тұран даңғылынан Жиделі (№37) көшесіне дейінгі учаскеде № 26 көшені салу кезінде 189 жаңа жұмыс орнын ашу жоспарлануда.

Жұмыспен қамтудың жол картасы бағдарламасы бойынша ХЖҚО арқылы 111 адам жұмысқа орналастырылды. Қошқарбаев даңғылындағы саябақты абаттандыруға 31 жұмысшы шақырылды. Жұмыспен қамту жол картасы бағдарламасы бойынша 19 адам жұмысқа орналастырылды.

«Пандемия кезінде бұл бағдарламаға Нұр-Сұлтанда тұрақты тіркеуде жоқ азаматтар да қатыса алады. Бұл процесті жеңілдету үшін жасалады», – деп хабарлады Халықты жұмыспен қамту орталығының баспасөз қызметі.

Мемлекеттік бағдарлама мақсаттарының бірі – елді мекендердің инфрақұрылымын дамытуға жағдай жасау. Қатысу алгоритмі мынадай: «Алдымен Нұр-Сұлтан әкімдігінің халықты жұмыспен қамту орталығына call-орталық арқылы 8 717 257 88 88 нөміріне хабарласу қажет.

Содан кейін жұмыс іздеушінің тілектеріне сүйене отырып, орталық мамандары жобаларға лайықты бос жұмыс орындарын таңдап, әңгімелесуге жібереді. Бағдарламаға қатысу үшін құжаттар тізімі – жеке куәлік, диплом және еңбек кітапшасы (бар болса)», – деп түсіндірді орталық мамандары.

Нұр-Сұлтан қаласының Жұмыспен қамту орталығы өз кезегінде жұмыссыздарды жұмысқа орналастыру мониторингін жүзеге асырады, сондай-ақ жобаларда жаңа жұмыс орындарының құрылуына жетекшілік етеді. Бағдарламаны іске асыру жөніндегі жедел штаб жұмыс істейді, онда жұмыс беруші-мердігерлермен өзара іс-қимыл жасайтын салалар бойынша бөлінген 12 жоба әкімшісі бар. Әкімшілер басталған жұмыс санын, құрылған жұмыс орындарын және жұмыспен қамту орталығы арқылы еңбекпен қамтылған жұмыссыздар санын бақылайды.

Жұмыспен қамтудың жол картасы бойынша ең көп сұралатын бос орындар – электрик, дәнекерлеуші, слесарь, монтаждаушы, ВСДЕ категориялы жүргізуші.

«Инфрақұрылымдық жобаларды іске асыруға қатысушылардың орташа жалақысы 120 мың теңгені құрайды. Жұмыспен қамтудың жол картасы шараларын қаржыландырудың жалпы лимиті жаңа жұмыс орындарының санына байланысты анықталады», – дейді мамандар.

Айта кету керек, «Жұмыспен қамтудың жол картасы» мемлекеттік бағдарламасы аясында қазіргі уақытта 3137 адам жұмыспен қамтылған. Нұр Сұлтан қалалық жұмыспен қамту орталығы 7 628 адамды жұмыспен қамтуды жоспарлап отыр. 101 ұйыммен ниет хаттамасы жасалды. Елорда тұрғындары әр түрлі салада іске қосылған 95 инфрақұрылымдық жоба бойынша жұмысқа тұра алады.

 

Соңғы жаңалықтар