Апатқа ұшыраған МиГ-31 ұшағының ұшқыштары ауруханадан шықты

Қарағанды ​​облысында МиГ-31 ұшағы апатынан жарақат алған ұшқыштар ауруханадан шықты. Бұл туралы облыстық денсаулық сақтау басқармасы хабарлады. Басқарма мәліметінше, санитарлық авиациямен Х.Ж.Мақажанов атындағы ауруханаға жеткізілген 2 ұшқыштың  бірінің жағдайы қанағаттанарлық, екіншісінің жағдайы орташа ауырлықта болды. Науқастарға толық медициналық көмек көрсетілді. Денсаулықтары оңалған ұшқыштар ауруханадан шығарылды. Еске сала кетейік, 16 сәуір күні Қарағандыға жақын маңда МиГ-31 әскери ұшағы құлады. Ұшақты подполковник А. Құрманғалиев пен подполковник И. Гаврилко басқарған. Апатқа байланысты  елімізде МиГ-31 ұшақтарының ұшуы уақытша тоқтатылды. Қорғаныс министрлігі мамандарынан құрылған комиссия апатты тексеріп, алдын алу жұмыстарын жүргізгеннен кейін МиГ-31 жойғыш ұшақтары қайтадан ұшырыла бастайды.    

Серіктес жаңалықтары