Коронавирус: Украинада 1 мыңнан астам дәрігер індет жұқтырған

Коронавирус инфекциясын жұқтырған украиналық дәрігерлердің саны 1 мыңнан асты. Бұл туралы Украинаның Денсаулық сақтау министрі Максим Степанов мәлімдеді, деп хабарлайды РИА Новости. Министрдің айтуынша, індетке шалдыққан медицина қызметкерлерінің жалпы саны – 1031. Елде 5449 адамнан вирус анықталған. Олардың 358-і – бала. Украинадағы әрбір бесінші науқас – денсаулық сақтау саласының қызметкері. Максим Степановтың дерегінше, 14 сәуірде індет жұқырған медицина мамандарының саны 594 болған. Яғни, 4 күн ішінде коронавирусқа шалдыққан ақ халаттылар қатары 2 есе артып отыр. Айта кетейік, бұған дейін сарапшылар украиналықтарды карантин режимін бұлжытпай орындайтын тұрғындар деп атаған болатын. Apple Maps-тен алынған деректерге сүйенсек, карантин тәртібі енгізілгелі бері ел тұрғындары жыл басымен салыстырғанда екі есе аз серуендеген. Ал көлік қозғалысы 35 пайызға азайған. Бұл Еуропадағы ең төмен көрсеткіштердің бірі.

Серіктес жаңалықтары