23 Наурыз, 11:39 860 0 Жаһан Анар ЛЕПЕСОВА

Қытайда коронавирус жұқтырғандардың 90 пайызы дертінен айықты

Сурет интернеттен алынды
Сурет интернеттен алынды

Қытайда коронавирус жұқтырғандардың 90 пайызы емделіп шықты. 

Бүгінде елде 5120 адам науқастанып жатыр, деп хабарлайды РИА Новости. 

Соңғы деректерге сүйенсек, Қытайда жалпы коронавирусқа шалдыққандар саны 81 мың адамға жетті. Оның 72,7 мыңы ауруханадан жазылып шыққан.

Эпидемия басталғалы Хубэй провинциясын қоспағанда Қытайда 13 293 адамның ауруға шалдыққаны, 117 науқастың көз жұмғаны белгілі болды. Өлім-жітім деңгейі 0,88 пайызды құрады.

Ауру ошағына алған Хубэйде 67800 адам вирус жұқтырды, оның 3153-і қайтыс болды. Өлім-жітім деңгейі 4,65 пайызды құрады.

Бұдан бөлек, Шанхай билігі COVID-19 вирусына байланысты жарияланған Төтенше жағдайдың ең жоғарғы деңгейін төмендетті.

Айта кетейік, Қазақстанда коронавирус жұқтырғандар саны 60 адамға жетті. Оның ішінде Нұр-Сұлтанда – 31, Алматыда – 25, Қарағандыда – 2, Алматы облысында - 1 және Ақтөбе облысында 1 жағдай тіркелді.

Соңғы жаңалықтар