Алматы қаласы өрт сөндірушілері Жетісу ауданы, Новгородская көшесі бойында орналасқан 6 қабатты әкімшілік ғимараттағы өртті сөндірді, деп хабарлайды turkystan.kz.
Өрт сөндіру есептоптарының жедел келуіне қарамастан, өрт өршіп кеткен. Ғимараттың шатыры мен қаптамасы толығымен жалындап жанып жатты. Өрттің таралуына лак-бояу өнімдері бар ыдыстардың жарылысы, сондай-ақ өрт туралы кеш хабарлау ықпал етті.
Өртті сөндіру ғимарат ішіндегі үлкен жанғыш жүктемемен, атап айтқанда, лак-бояу өнімдерінің болуымен күрделенеді, – деп жазылған ТЖМ хабарламасында.
Өрт орнында Алматы қ. ТЖД бастығы полковник Нұрлан Атығаевтың басшылығымен жедел өрт сөндіру штабы әлі жұмыс істеді. Үздіксіз су беру ұйымдастырылды. Сондай-ақ өртті сөндіруге ТЖМ автопоезд тартылды.
Зардап шеккендер туралы ақпарат түскен жоқ.
