Дәрігерлер БАҚ арқылы азаматтарға нақты, бірізді мәлімет беруі керек – Президент

Дәрігерлер БАҚ арқылы азаматтарға нақты, бірізді мәлімет беруі керек – Президент

Дәрігерлер БАҚ арқылы азаматтарға нақты, бірізді мәлімет беруі керек – Президент
ашық дереккөзі
Дәрігерлер бұқаралық ақпарат құралдары арқылы азаматтарға нақты, бірізді мәлімет беруі керек.  Бұл туралы республикалық телеарналар арқылы елімізде қалыптасқан ахуалға байланысты жасаған үндеуінде Президент Қасым-Жомарт Тоқаев айтты. "Бүкіл күш-жігерімізді жинап, індетпен күресе беруіміз керек. Осындай күрделі жағдай кезінде ел арасында көптеген жалған әңгімелер тарауда, теріс ақпарат таратып жүрген арам пиғылды адамдардың әрекеттері орын алуда. Өкінішке қарай, кейбір азаматтар жалған ақпаратқа сенетін болды.  Сонымен қатар, тағы бір маңызды мәселе. Дәрігерлеріміз бұқаралық ақпарат құралдары арқылы азаматтарға нақты, бірізді мәлімет беруі керек. Дертті емдеудің неше түрлі жолдарын көрсетіп, адамдардың денсаулығына қауіп төндіруге болмайды. Мұндай әрекеттерге тосқауыл қою керек. Қылмыстық кодекстің 174-бабына сәйкес жалған ақпарат таратқан адам жауапқа тартылады", - деді Президент. Сондай-ақ, Мемлекет басшысы дәрі-дәрмек бағасын негізсіз қымбаттатқандар да жазасын қалмайтынын ескертті. "Дәрі-дәрмектің бағасын бірнеше есе өсіріп, қалыптасқан жағдайды өз мақсатына пайдаланғысы келген алыпсатарларды да құқық қорғау органдары менің тапсырмама сәйкес жауапқа тарта бастады. Қазір мемлекеттік органдар елді мекендерді қажетті дәрі дәрмекпен толық қамтамасыз етуде. Осыған орай, тиісті қор жасақталған. Төсек орындары да, медициналық қызмет көрсету ісі де  толығымен қамтамасыз етіледі", - деді Қ.Тоқаев. Айта кетейік, бұған дейін Мемлекет басшысы 13 шілдені Ұлттық аза тұту күні деп жариялағанын хабарлағанбыз.