Сәрсенбі, 30 Қараша, 2022

Қытайда карантинге алынған қонақүй опырылып түсті

Қытай билігі елдің шығысындағы Фуцзянь провинциясында қонақүй ғимаратының қирауы салдарынан төрт адам мерт болғанын мәлімдеді.

Синьхуа агенттігіне сілтеме жасаған ҚазАқпараттың хабарлауынша, қаза тапқандар саны өсуі мүмкін. 28 адам қонақүй үйіндісінің астында қалып қойған. Үйінді астынан құтқарушылар 43 адамды шығарған.

Цюаньчжоу қаласының Личэн ауданындағы Синьцзя қонақүйі шамамен 7:15-те қираған. 71 адам үйінді астында қалған. Ғимаратта жөндеу жұмыстары жүргізілген. Ғимараттың қожайыны полиция бақылауына алынған.

Қираған қонақүй 2013 жылы салынған. 2018 жылы ғимарат 66 бөлмесі бар қонақ үй болып қайта жасалған.

BBC агенттігінің хабарлауынша, қонақүй коронавирус жұқтырған науқастармен байланыста болған адамдарды ұстап отыру үшін пайдаланылған. Ғимаратта болған 71 адамның 58-і карантинде болған.

Жергілікті өрт күзеті басқармасы оқиға орнына 200 өрт сөндірушіні сондай-ақ Фуцзянь провинциясы 11 іздеу-құтқару тобын жіберген. Төтенше жағдайлар министрлігі жұмыс тобын құтқарушыларға көмектесуге және қирау себептерін анықтауға Цюаньчжоуға бағыттады.

Министрлік зардап шеккендерді құтқару үшін барлық күшті жұмсауға шақырды және болашақта осындай жағдайлардың алдын-алу керектігін атап өтті.

 

Байқау айқын
Байқау айқын

Ұқсас жаңалықтар

Back to top button