Әлеуметтік желіде Нұр-Сұлтандағы әкімнің ұсталғаны туралы хабар тарады

Әлеуметтік желілерде Нұр-Сұлтандағы Байқоңыр ауданының әкімі Асқар Есіловтің ұсталғаны туралы хабарлама тарады.  Nur.kz сайтының мәліметінше, Ұлттық бюроның баспасөз қызметі бұл ақпаратқа қатысты түсінік берді, әзірге хабарламаны растайтын еш дәйек жоқ. «Таралып жатқан хабарламаға қатысты ақпарат болса, міндетті түрде хабарлаймыз. Өзіміз де күтіп отырмыз. Біз өз деңгейімізден жоғары басшылықты асықтырып сұраудамыз, бірақ олар әлі ештеңе айта алмайды, сондықтан бұл ақпаратты жоққа шығара да, растай да алмаймыз», – деді Ұлттық бюроның баспасөз қызметі.