جومارت ەرتاەۆ قازاقستانعا ەكستراديتسيالاندى

قازاقستان رەسپۋبليكاسى باس پروكۋراتۋرا قىزمەتكەرلەرى قىلمىستىق جاۋاپقا تارتۋ ءۇشىن رەسەي فەدەراتسياسىنان جومارت ەرتاەۆتى ەكستراديتسيالادى، دەپ حابارلايدى قازاقپارات قر باس پروكۋراتۋراسىنىڭ ءباسپاسوز قىزمەتىنە سىلتەمە جاساپ.

وعان بىلتىر ناۋرىز ايىندا حالىقارالىق ىزدەۋ جاريالانعان بولاتىن.

«جومارت ەرتاەۆ 2011-2017 جىلدار ارالىعىندا قىزمەتتىك جاعدايىن پايدالانا وتىرىپ، باسقا تۇلعالارمەن  الدىن الا كەلىسۋ ارقىلى «BANK RBK» اق-نىڭ 144 ملرد تەڭگەسىن جىمقىردى دەگەن كۇدىككە ءىلىندى. سونداي-اق، ونىمەن بىرگە 54 ادام، سونىڭ ىشىندە بانكتىڭ 41 توپ-مەنەدجەرى مەن قاتارداعى قىزمەتكەرى – بۇرىن ەكستراديتسيالانعان ب.يبراگيم، ي.ماجينوۆ، د.تۋعانباي، د.ەدىگەنەۆ، ا.مامىربەكوۆ، ت.ءشارىپوۆ كۇدىكتەلىپ وتىر»، – دەلىنگەن حابارلامادا.

تەرگەۋ بارىسىنداعى شارالاردىڭ ارقاسىندا 15 ملرد تەڭگە وتەلىپ، 48 ملرد تەڭگە م ۇلىككە تىيىم سالىندى.

قازىرگى ۋاقىتتا ارنايى پروكۋرورلار ءىستى تەكسەرۋدى اياقتادى. پروتسەسكە قاتىسۋشىلار ماتەريالدارمەن تانىسىپ جاتىر.

ج. ەرتاەۆ استانا قالاسىنىڭ تەرگەۋ يزولياتورىنا قامالدى.

ۇقساس جاڭالىقتار

Back to top button