اقمولادا اقان سەرى، بالۋان شولاق جانە كەنەسارىعا ەسكەرتكىش ورناتىلادى

2019 جىلى «استانا-كوكشەتاۋ» تاس جولىنىڭ بويىنا ۇكىلى ىبىراي، ءبىرجان سال، اقان سەرى، بالۋان شولاق جانە كەنەسارى حاننىڭ ەسكەرتكىشتەرى قويىلادى. بۇل تۋرالى اقمولا وبلىسى اكىمىنىڭ ورىنباسارى مارات يعاليەۆ فەيسبۋكتەگى پاراقشاسىندا ءمالىم ەتتى، دەپ حابارلايدى قازاقپارات ءتىلشىسى. 

«كوكشەتاۋدىڭ مادەنيەت باسقارماسى ۇكىلى ىبىراي، ءبىرجان سال، اقان سەرى، بالۋان شولاق جانە كەنەسارى حان ەسكەرتكىشتەرىنىڭ ەسكيزىن قوعامدىق كەڭەس، اقساقالدار مەن ولكەتانۋشىلار الدىندا تانىستىردى»، – دەپ جازدى مارات يعاليەۆ.

ەسكەرتكىشتەر جوباسىن جاساعان – بەلگىلى ءمۇسىنشى، 60-تان استام جۇمىستىڭ اۆتورى قازبەك ساتىبالدين.

اكىم ورىنباسارىنىڭ ايتۋىنشا، ەسكەرتكىشتەردى 2019 جىلدىڭ العاشقى جارتىسىندا «استانا-كوكشەتاۋ» جاس جولىنىڭ بويىنا ورناتۋ جوسپارلانىپ وتىر.

«تانىستىرىلىمعا قاتىسۋشىلار ءوز كەزەگىندە بىرقاتار ۇسىنىس-ەسكەرتپەلەرىن ايتتى. ولار، ماسەلەن، قوعام قايراتكەرلەرىنىڭ ەسىمدەرىن لاتىن قارپىندە جازۋدى ۇسىندى»، – دەدى ول.

 

ۇقساس جاڭالىقتار

Back to top button