نۇرالحان كوشەروۆ شىمكەنت مكد باسشىسى بولىپ تاعايىندالدى

شىمكەنت قالاسى بويىنشا مەملەكەتتىك كىرىستەر دەپارتامەنتىنە  نۇرالحان كوشەروۆ باسشىلىق ەتەدى، دەپ حابارلايدى Elitar.kz پورتالى.

نۇرالحان كوشەروۆ 1984 جىلى شىمكەنت قالاسىندا دۇنيەگە كەلگەن. ءبىلىمى-جوعارى. 2005 جىلى م. اۋەزوۆ اتىنداعى وقمۋ-دى ەكونوميست ماماندىعى بويىنشا بىتىرگەن.

ەڭبەك جولىن 2008 جىلى قر پارلامەنتى ءماجىلىسى دەپۋتاتىنىڭ كومەكشىسى بولىپ باستاعان. 2009-2011 جىلدارى قارجى مينيسترلىگىنىڭ سالىق كوميتەتىندە تالداۋشى، استانا قالاسى سالىق دەپارتامەنتىنىڭ المالى اۋدانى بويىنشا سالىق باسقارماسىنىڭ زاڭدى تۇلعالاردىڭ سالىق ءاۋديتى ءبولىمىنىڭ باس مامانى بولىپ جۇمىس ىستەگەن.

2011-2014 جىلدار ارالىعىندا استانا قالاسىنىڭ سالىق دەپارتامەنتى ەسىل اۋدانىنىڭ سالىق باسقارماسى باستىعىنىڭ ورىنباسارى قىزمەتىن اتقاردى.

2014 جىلدان 2015 جىلعا دەيىن استانا قالاسى ەسىل اۋدانى بويىنشا مەملەكەتتىك كىرىستەر باسقارماسىنىڭ باستىعى بولدى.

2015 جىلى شىمكەنت قالاسى اكىمىنىڭ ورىنباسارى بولىپ تاعايىندالدى.

ۇقساس جاڭالىقتار

Back to top button