قاڭتاردان باستاپ ساقتاندىرۋ شارتتارىن ونلاين رەجيمدە جاساي الادى

قازاقستاندىقتار 1 قاڭتاردان باستاپ ساقتاندىرۋ شارتتارىن ونلاين رەجيمدە جاساي الادى، – دەپ حابارلايدى Tengrinews.kz ءتىلشىسى ۇلتتىق بانكتىڭ ءباسپاسوز قىزمەتىنە سىلتەمە جاساپ. 

بانك وكىلدەرىنىڭ مالىمەتىنشە، 2019 جىلدىڭ 1 قاڭتارىنان باستاپ ساقتاندىرۋ ۇيىمدارىنىڭ كليەنتتەرى ساقتاندىرۋ شارتتارىن ينتەرنەت-رەسۋرستاردى پايدالانا وتىرىپ، ەلەكتروندىق نىساندا جاساسىپ، ساقتاندىرۋ ءپوليسىن ەلەكتروندىق نىساندا رەسىمدەي الادى. شارتتىڭ ەلەكتروندىق نىسانى مىندەتتى ساقتاندىرۋدىڭ بارلىق تۇرلەرى بويىنشا ەنگىزىلەدى.

«ونلاين-ساقتاندىرۋ ەنگىزىلگەننەن باستاپ مىندەتتى ساقتاندىرۋ شارتتارى بويىنشا قاعازداعى پوليستەردىڭ اينالىسى جويىلادى. ساقتاندىرۋ شارتىن جاساسۋ فاكتىسى ساقتاندىرۋ بويىنشا بىرىڭعاي دەرەكقورعا سۇراتۋ جىبەرۋ ارقىلى تەكسەرىلەدى. اۆتوكولىك يەلەرىنىڭ اكىمشىلىك پوليتسيانىڭ قىزمەتكەرلەرىنە ساقتاندىرۋ ءپوليسىن ۇسىنۋى قاجەت ەمەس. ونلاين-ساقتاندىرۋدى ەنگىزۋ حالىق پەن بيزنەس ءۇشىن ساقتاندىرۋدىڭ قۇنىن ارزانداتۋعا، شارتتاردى وفيسكە بارماي-اق نەمەسە دەلدالداردىڭ قاتىسۋىنسىز ساقتاندىرۋ كومپانيالارىنىڭ ينتەرنەت-رەسۋرستارى ارقىلى تىكەلەۋ جاساسۋ مۇمكىندىگىن بەرەدى، سونداي-اق ساقتاندىرۋ تولەمدەرىن الۋدى جەدەلدەتەدى»، – دەپ حابارلادى ۇلتتىق بانك وكىلدەرى.

سونداي-اق، ساقتاندىرۋ كومپانيالارىنىڭ كولىك قۇرالدارى يەلەرىنىڭ ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋ شارتتارىن ەلەكتروندىق نىساندا جاساسۋ كەزىندە 10 پايىزعا دەيىن جەڭىلدىك بەرۋگە قۇقىلى ەكەنى ايتىلادى.

ۇقساس جاڭالىقتار

Back to top button