«Киелі мұрамызға тағзым» акциясы қазақстандықтардың ұлттық санасының қалыптасуына, сондай-ақ тарихи және мәдени ескерткіштерге құрметпен қарауға тәрбиелейді.
Акцияға «Нұр Отан» партиясының өкілдері және жергілікті атқарушы органдардың, жастар ұйымдарымен бірге үкіметтік емес ұйымдардың өкілдері де қатысты. Іс-шараға қатысушылар Қарасай ауданының тарихи-өлкетану мұражайына бару, Аңырақай шайқасының ескерткішіне гүл шоқтарын қойып, Сүйінбай Аронұлы мен Жамбыл Жабаевтың мұражайларына табан тіреді. Алматы облысы аумағындағы тарихи-мәдени ескерткіштерге тәу ету үшін жолға шыққан қауымға «Нұр Отан» ХДП Әуезов аудандық филиалының төрағасы, аудан әкімі Бекқали Торғаев мырза:
– Тарихи-мәдени ескерткіштеріміз бен мұражайларымыз ел тәуелсіздігінің басты белгісі. Кеңес заманында ел бастаған хандарымызды, бар өмірін ат үстінде өткізіп, ел қорғаған батырларымыз жа-йында өте аз білуші едік. Ата-баба ерлігі санадан өше бастаған сәтте тәуелсіздік таңы атып, өшкеніміз қайта жанғаны анық. Өткен тарихымызбен қайта қауышып, батырларымыздың ерлік пен өрлікке толы ерлік істерін кеңінен дәріптейтін күнге де қол жеткіздік. Тәуелсіздік жылдары мемлекет басшысы Нұрсұлтан Назарбаевтың бастамасымен еліміздің әр аймағында көптеген тарихи-мәдени ескерткіштерді тұрғызып, өткенге салауат айттық, – деді ол.