"Нұр Медиа" холдингі 3 ақпараттық сайтпен толықты

Қазнетке жаңа 3 сайт қосылды. “Мұнара” және “Ремарка” сайттары холдингке
қарасты БАҚ өкілдерінің жаңалықтарынан құралған агрегатор сайт болса,
“АйнаLine” сайты жастарға арналған ақпараттық портал қызметін атқармақ.
Сондай-ақ сайттарға өңірлерден 30 меншікті тілші алынуда.
Ақпараттық-сараптамалық бағыттағы бұл сайттарда сондай-ақ колумнист
жазбаларына да орын берілген. Сайттардың басты ерекшелігі –
мультимедиалық контенттің мол болуы.