Тағы 3 базар сүріледі

Алып мегаполис – Алматыны қара
базардан тазарту шарасы жалғасын тауып келеді. Себебі, тағы да 3 базарды сүру
жөнінде шешім шықты. Бұл туралы журналистермен кездесу барысында қала әкімінің
орынбасары Болат Сауранбаев мәлімдеді.

«Қалада жалпы алғанда 17 базар
толық, ал 11 базар жартылай сүріледі. Алматыда тағы 3 базарды сүру жайлы шешім
қабылданды. Қазір 6 базар толығымен сүрілді, екеуі бойынша тазалау жұмыстары
жүргізіліп жатыр, 2 базар жөнінде материал сотта қаралып жатыр», – деді ол. Оның
айтуынша, базар орнында болашақта кең жол мен көлік тұрағы пайда болады. «1
мамырдан бастап Жетісу ауданындағы, 1 маусымда Алатау ауданындағы қызыл желіге
шығып кеткен базарларды толық жоямыз. Жұмысты толық қадағалау үшін арнайы штаб
құрылатын болады», – деді Болат Сауранбаев. 

Д.Дүрмән