اتا-اناسىنىڭ قاراۋىنسىز قالعان 2 بالا سۋعا كەتتى

كەشە ەلىمىزدە اتا-انالاردىڭ سالعىرتتىعىنان ەكى ءسابي كوز جۇمدى. بۇل تۋرالى قر ءىىم تجك ءباسپاسوز قىزمەتى حابارلادى. 

تجك رەسمي وكىلى رۋسلان يمانقۇلوۆ جولداعان مالىمەتكە سۇيەنسەك، اتىراۋ قالاسىنا قاراستى شيرينا ەلدى مەكەنىندە اتا-اناسىنىڭ قاراۋىنسىز قالعان 2008 جىلعى ۇل بالا پيرستەن (ەكى جاعىنان دا كەمەلەر كەلىپ توقتاۋ ءۇشىن جاعادان سۋعا قاراي سۇعىندىرا سالىنعان قۇرىلعى) قۇلاپ، جايىق وزەنىنە باتىپ كەتتى. بالانىڭ دەنەسىن جەرگىلىكتى تۇرعىندار سۋدان الىپ شىققان.

سونداي-اق، قىزىلوردا وبلىسى ارال قالاسىنداعى جەكە تۇرعىن ۇيدە قاراۋسىز قالعان 1 جاسار قىز بالا سۋ تولى 50 ليترلىك ىدىسقا ءتۇسىپ كەتىپ، تۇنشىعىپ قالعان. بالانىڭ دەنەسىن اتا-انالارى تاۋىپ العان.

 

ۇقساس جاڭالىقتار

Back to top button