جاڭالىقتار

ەل بىرلىگىنە ارنالدى

«دەگدار» قوعامدىق كەلىسىمدى قولداۋ قورى» قوعامدىق قورى قازاقستان رەسپۋبليكاسى مادەنيەت جانە اقپارات مينيسترلىگىنىڭ مەملەكەتتىك الەۋمەتتىك تاپسىرىسى اياسىندا اعىمداعى جىلدىڭ 19 قاراشا كۇنى ل.ن. گۋميلەۆ اتىنداعى ەۋرازيالىق ۇلتتىق ۋنيۆەرسيتەتىنىڭ «وتىرار كىتاپحاناسى» عىلىمي ورتالىعىندا «ەل بىرلىگىندەگى ۇلت زيالىلارىنىڭ ءرولى» اتتى دوڭگەلەك ۇستەل وتكىزدى.

دوڭگەلەك ۇستەلدىڭ ماقساتى «قازاقستاننىڭ الەۋمەتتىك جاڭعىرتۋى: جالپىعا ورتاق ەڭبەك قوعامىنا قاراي 20 قادام» اتتى ەلباسىنىڭ ماقالاسىنداعى اقپاراتتىق-مادەني سالاسىندا بەرىلگەن تاپسىرمالارعا سايكەس، ەلىمىزدىڭ شىعارماشىلىق ينتەلليگەنتسياسىمەن بىرگە قول جەتكىزۋگە ۇمتىلۋ، ەلدىڭ ۇيىتقىسى بولا الاتىن جانە بىرلىگىن ساقتاۋعا كۇش جۇمسايتىن ۇلت زيالىلارىنىڭ باسىن قوسۋ.

ءىس-شاراعا استانا قالاسىنىڭ مادەنيەت، ادەبيەت، قوعام قايراتكەرلەرى، سونىمەن قاتار ل.ن. گۋميلەۆ اتىنداعى ەۇۋ-ءنىڭ پرورەكتورى ديحان قامزابەكۇلى، ساياسي عىلىمدارىنىڭ دوكتورى، پروفەسسور ناۋبەت قاليەۆ، فيلولوگيا عىلىمدارىنىڭ دوكتورى، پروفەسسور راحىمجان تۇرىسبەك، الكەي مارعۇلان اتىنداعى № 54 مەكتەپ ديرەكتورى ەربول ىرگەباەۆ سياقتى ۇلت زيالىلارى قاتىسىپ، بايانداما جاسادى.

دوڭگەلەك ۇستەلدى فيلولوگيا عىلىم­دارىنىڭ دوكتورى، پروفەسسور تۇرسىن جۇرتباي جۇرگىزدى. جينالعان قاۋىمعا مادەنيەت جانە اقپارات مينيسترلىگىنىڭ تاپسىرىسىمەن شىعارىلعان ق. مۇحامەدحانوۆتىڭ 10 تومدىق كىتابى كوپشىلىككە تانىستىرىلدى.

«تۇركىستان-اقپارات»

Back to top button