سوپاق دوپ الاقاننان سۋسىپ ءتۇستI

قازاقستان رەگبي قۇراماسىنىڭ توپشىسى بەكiپ كەلەدi. كۇنi كەشە عانا رەگبي سپورتىنىڭ قىر-سىرىمەن اۋىزدانعان قازاقستان قۇراماسى بۇگiن ازۋلى كوماندالارمەن تiرەسiپ ءجۇر. ون جىل مەرزiم iشiندە تولىسىپ، قاناتتانىپ قالدى. بiراق بۇل مەرزiم رەگبي ءۇشiن وتە از ۋاقىت.

جاقىندا الماتىنىڭ ورتالىق ستاديونىندا قازاقستان قۇراماسى جاپونيانىڭ رەگبي كومانداسىمەن كەزدەستi. Iرگەلi ەلدiڭ سارى تiس قۇراماسى قۇرىشتاي مىقتى كوماندا ەكەنiن كورسەتتi. تiرەسكەن جەردە ەڭسەرiپ كەتiپ جاتتى. دوپتى iلiپ العان كەز كەلگەن جاپون سىتىلىپ وڭاشا شىققان كەلەسi ويىنشىعا وتە ءدال بەرەدi. قۇيىنداي اققان ول ويىنشى بولسا بiزدiڭ قورعاۋشىلار اراسىنان زۋلاپ ءوتiپ قاقپاعا جەتكەندە عانا تىنىس الىپ جاتتى. ۇپاي سانى كوبەيە بەردi… ەس جيعانشا 40 ءمينوت تە وتە شىقتى. ويىننىڭ بiرiنشi كەزەڭi 42:0 ەسەبiمەن، جاپوندىقتاردىڭ جەڭiسiمەن اياقتالدى. بiزدiڭ رەگبيشiلەر بiر دوپ سالا الماي دiڭكەلەرi قۇرىدى.

ەكiنشi كەزەڭنiڭ باسىندا عانا 3 ۇپايلىق ايىپ دوبىن سالدى قازاقستان قۇراماسى. دەگەنمەن قوناقتاردىڭ ەكپiنi قاتتى. سوپاق دوپ قولدارىنا تيسە بولدى، اتويلاعان شابۋىل باستالادى. كۇش-قايراتتارى جاعىنان دا، شەبەرلiكتەرi جاعىنان دا باسىم ءتۇسiپ جاتتى. وڭكيگەن اۋىر سالماقتى جiگiتتەردiڭ يت قۋعان كيiكتەي زاۋلاعانىن كورسەڭiز!..

جاپون دەسە، كوز الدىڭا تاپالداۋ بويلى، شىمىر دەنەلi قىز-جiگiتتەر كەلە قالادى. ال رەگبيدە جۇرگەندەر iرi دەنەلi، سۇڭعاق جiگiتتەر. جەڭiل سالماقتاعىلار دوپ ءۇشiن تارتىس كەزiندە 100 كەلi جiگiتتەردiڭ استىندا جانشىلىپ قالارى ءسوزسiز. سوندىقتان دا بۇل سپورت ءتۇرi ءۇشiن قارۋلى، سالماقتى، سۇڭعاق جiگiتتەر iرiكتەلەدi.

جاپون قۇراماسىنداعى تومواكي تانيگۋشيدiڭ سالماعى – 125 كەلi، بويى – 192 سانتيمەتر. مۇنداي سپورتشىمەن بۇقاشا تiرەسiپ قالعاندا تابان تiرەيتiن سالماعىڭ، يىق تiرەستiرەتiن بويىڭ بولۋى كەرەك. بiزدiڭ جiگiتتەر تiرەسiپ-اق باقتى. بiراق تاجiريبەلi، ءداستۇرi بەرiك جاپوندىقتار ىرىق بەرمەدi. سوققان دوپتارى بiزدiڭ قاقپا باعانالارىنىڭ اراسىنان اينىماي ءوتiپ جاتتى. قازاقستان قۇراماسى تاعى بiر 3 ۇپايلىق سوققىنى ءوز ەسەپتەرiنە جازىپ ۇلگەردi. بiراق جاپوندىقتار تىقسىرىپ، قۋسىرىپ ەس جيعىزبادى. ابدەن قالىپتاسقان، مىقتى قۇراما ەكەنiن دالەلدەدi. ويىن تەك الاڭنىڭ بiر جارتىسىندا عانا ءوتتi دەۋگە بولادى. جاپوندىقتار ەس جيعىزباي اقىرى 82:6 ەسەبiمەن كەزدەسۋگە نۇكتە قويدى.

ازيا قۇرلىعىنداعى بەس ەل كومانداسىنىڭ اراسىنداعى ەكiنشi كەزدەسۋدە قازاقستان قۇراماسى تiزە بۇگiپ وتىر. 3 مامىر كۇنi گونكونگپەن بولعان كەزدەسۋدە 23:17 ەسەبiمەن ەسە جiبەرگەن بولاتىن. "بەس ۇلتتىڭ كۋبوگى" دەپ اتالاتىن بۇل ليگاداعى ەڭ سوڭعى ورىن العان كوماندا كەلەسi ساتىداعى ليگاعا سىرعاناپ تۇسەدi. ال تومەنگi ليگادان توپ جارعان بiر كوماندا وسى ليگادان ورىن تەبەدi.

قازاقستان قۇراماسىنداعى بiراز جiگiتتەر رەسەيدiڭ رەگبي ليگالارىندا وينايدى. تاجiريبە جيناپ، شىڭدالىپ ءجۇر. سوندىقتان دا ولار قۇراماعا تەك جاۋاپتى كەزدەسۋدiڭ ءدال الدىندا عانا كەلەدi. جەرگiلiكتi جiگiتتەرمەن بiرگە جاتتىعۋلارىنا ۋاقىت تا جوق. بiزدiڭ قۇراما ەندi 17 مامىر كۇنi سەۋلدە وينايدى. 24 مامىر كۇنi تالدىقورعان قالاسىندا بiرiككەن اراب امiرلiگiنiڭ رەگبيشiلەرiن قابىلدايدى. جالعاندا ءبارi دە سالىستىرمالى. دۇنيەنiڭ رەگبي كوشiن باستاعان اۆستراليا، جاڭا زەلانديا كوماندالارىنىڭ ويىنىنا تەك سۇقتانىپ قانا كەلەمiز. جىلدار وتە دۇنيەنi دۇركiرەتكەن سول ەلدەردiڭ دە كوماندالارىمەن باق سىنايتىن كۇن دە تۋار.

قازاقستان ايەلدەر قۇراماسى ازيادا باعىن اسىرىپ-اق تۇر. ايەلدەر قۇراماسى ازيانىڭ جەتi دۇركiن جەڭiمپازى. وعان دا شۇكiر دەيمiز.

زەينەل جەكەي ۇلى

ۇقساس جاڭالىقتار

Back to top button