جاس تIلشIلەردIڭ فورۋمى

بiلiم جانە عىلىم مينيسترi جانسەيiت تۇيمەباەۆ "جاس وركەن" جشس-نە قاراستى رەسپۋبليكالىق "بالدىرعان" جۋرنالىنىڭ 50 جىلدىعى جانە "درۋجنىە رەبياتا" گازەتiنiڭ جارىق كورگەنiنە 75 جىل تولۋىنا وراي "جاس وركەن" جشس-نiڭ باس ديرەكتورىن جانە اتالعان باسىلىمداردىڭ باس رەداكتورلارىن قابىلداعان ەدi. بۇل جىلى كەزدەسۋ الماتىدا وتەتiن رەسپۋبليكالىق "ۇلان" گازەتi مەن "اق جەلكەن" جۋرنالى جاس تiلشiلەرiنiڭ "قالامگەر ازامات" اتتى فورۋمى قارساڭىندا ورىن الدى.

جاس قالامگەرلەرمەن بولعان جيىندا ءسوز العان رەسپۋبليكالىق "ۇلان" گازەتiنiڭ باس رەداكتورى سۇلتان قالي ۇلىنىڭ ايتۋىنشا، بۇل فورۋمنىڭ ماقساتى – جازۋعا تالاپتى بالالاردىڭ قابiلەت-قارىمىن ۇشتاۋ، ولاردىڭ بiر-بiرiمەن جاقىن تانىسۋىنا جاعداي تۋعىزۋ. ول سونداي-اق، كەشە قر بiلiم جانە عىلىم مينيسترi جانسەيiت تۇيمەباەۆتىڭ قابىلداۋىندا بولىپ، وسى ماسەلە بويىنشا اڭگiمەلەسكەنiن، الداعى ۋاقىتتا بiرلەسiپ جۇمىس iستەۋ ءۇشiن ارنايى تاپسىرمالار العانىن جەتكiزدi. "مينيستر تەحنيكالىق تاقىرىپتارعا جازاتىن جاستاردى دايارلاۋ قاجەتتiگiن دە ۇمىت قالدىرمادى. فورۋم اياقتالعاننان كەيiن تەحنيكا سالاسىنا قاتىستى ايدارلار اشاتىن بولامىز"، – دەدi جاس قالامگەرلەردiڭ ۇستازى سۇلتان قاليەۆ.

"قالامگەر ازامات" فورۋمىنا قاتىسۋشىلار ورتاعا سالعان پiكiر-ويلارىن قورىتىندىلاي كەلە، ەلiمiزدiڭ پرەزيدەنتi ن.نازارباەۆقا ۇندەۋ جولدادى. وندا جاس قالامگەرلەر: "بiر عاسىرعا جۋىق تاريحى بار "اق جەلكەن" جۋرنالى مەن "ۇلان" گازەتiنە جازعان شىعارمالارىمىزدا تۋعان جەرiمiزدiڭ قاستەرلi شەجiرەسi مەن بۇگiنگi تىنىس-تiرشiلiگi، وتكەن بەلەستەرi مەن الداعى اسۋلارى تۋرالى شىن جۇرەگiمiزبەن تەبiرەنiپ، تەرەڭنەن تولعاپ جازۋعا ۇمتىلامىز. بۇل تۇرعىدا "ۇلان" گازەتi مەن "اق جەلكەن" جۋرنالى جاس ۇرپاق پەن اعا ۇرپاقتى، كەشەگi مەن بۇگiنگiنi جالعاستىرىپ جاتقان رۋحاني التىن كوپiر دەپ بiلەمiز. بiز كەلەسi وقۋ جىلىنان باستاپ رەسپۋبليكاداعى بارلىق مەكتەپتەردە مەملەكەتتiك بالالار مەن جاسوسپiرiمدەر باسىلىمدارى – "ۇلان"، "درۋجنىە رەبياتا" گازەتتەرi مەن "اق جەلكەن"، "بالدىرعان" جۋرنالدارىنىڭ ارنايى كۇندەرiن جىل سايىن جۇيەلi تۇردە وتكiزiپ وتىرۋعا شاقىرامىز" دەي كەلە، بولاشاقتا جۋرناليست ماماندىعىن تاڭداعىمىز كەلەدi، وكiنiشكە قاراي، جوعارى وقۋ ورىندارىنداعى جۋرناليستيكا فاكۋلتەتتەرiنە بولiنەتiن گرانتتىڭ سانى تىم از كورiنەدi بiزگە" دەپتi. "قۇرمەتتi، نۇرسۇلتان ءابiش ۇلى، الەۋمەتتiك-ەكونوميكالىق، رۋحاني-مادەني دامۋ جولىندا نىق باسىپ كەلە جاتقان قۋاتتى قازاقستان مەملەكەتi بۇل ماسەلەلەردi نازاردان تىس قالدىرماي، لايىقتى شەشiمiن تاباتىنىنا كامiل سەنەمiز" دەگەن ۇندەۋ سوڭىنا فورۋمعا ەلiمiزدiڭ جەر-جەرiنەن كەلگەن 90-داي وقۋشى قول قويعان.

قر مادەنيەت جانە اقپارات مينيسترلiگi، قر بiلiم جانە عىلىم مينيسترلiگi، سونداي-اق، الماتى قالاسى اكiمشiلiگiنiڭ قولداۋىمەن ۇيىمداستىرىلعان شاراعا رەسپۋبليكانىڭ تۇكپiر-تۇكپiرiنەن 100-گە تارتا قولىنا قالام ۇستاعان جاسوسپiرiمدەر مەن 2-11-سىنىپ وقۋشىلارى قاتىستى.

دينارا مىڭجاسارقىزى

ۇقساس جاڭالىقتار

Back to top button