ЕЛ ТАРИХЫНДАҒЫ ЕРЕН ТҰЛҒА

Жақында №13 мектеп гимназиясы Дiнмұхамед Ахметұлы Қонаевтың 100 жылдығына арналған «Заманымыздың ұлы тұлғасы» атты арнайы ғылыми-практикалық конференция өткiздi.

Бұл кездесу-кеште республикалық кiтап музейi кiтап көрмесiне халқымыздың ұлы перзентi, заманымыздың асыл тұлғасы, мемлекет және қоғам қайраткерi, үш мәрте Социалистiк Еңбек Ерi Дiнмұхамед Ахмет­ұлы Қонаевтың «Ақиқаттан аттау­ға болмайды», «Өттi дәурен осылай», Р. Ниязбектiң «Кемеңгер», С. Әбдiрайымұлының «Дiн­мұ­хамед және Алматы», О.Қауғабай «Таң­ға­жайып Қонаев» тағы басқа да қаламгерлер мен қайраткерлердiң кiтаптары қойылды.

Кездесу-кештi мектеп директоры Н. Дүйсенбекова кiрiспе сөз сөйлеп ашты. Мектеп оқушылары өзiн-өзi басқару ұйымының Президентi, 9 сынып оқушысы Ерсiн Аманбай баяндама жасады. Кездесу-кешке Қонаев университетiнiң құрметтi профессоры, қонаевтанушы Ораз Қауғабай, М.Әуезов атындағы әдебиет және өнер институтының қызметкерi, филология ғылымдарының докторы, жазушы, әдебиеттанушы Нұрдаулет Ақыш, жазушы, қонаевтанушы Мамытбек Қалдыбай, Халықаралық «Алаш» сыйлығының лау­реаты, республикалық кiтап музейiнiң директоры, жазушы Нағашыбек Қапалбекұлы тағы басқа зиялы қауым өкiлдерi қатысып, сөз сөйледi.

Мектеп ұжымы осы мектепке Д.А. Қонаев атамыздың есiмiн беру жөнiнде жоғарыға ұсыныс жасап отыр.