ТӘУЕЛСIЗДIК – ЕЖЕЛДЕН ЕЛ АРМАНЫ

Ежелден ата-бабаларымыз армандаған тәуелсіздіктің биыл 20 жылдығын тойлағалы отырмыз. Қазақстанның салт-дәстүрін, қазба байлығын, тілін күллі әлемге паш еткен Елбасымыздың алар орны ерекше. Нұрсұлтан Назарбаевтың қажырлы еңбегінің арқасында Қазақстанның әрбір қаласы күннен-күнге жаңарып, іргелес жатқан шет елдерден асып түсетін қалаларға айналды. Бұл – тәуелсіздігіміздің ең басты жетістіктерінің бірі ғой деп ойлаймын. Болашақ ұрпақ неғұрлым білімді болса, еліміздің болашағы соғұрлым жарқын болмақ. Біздің еліміздің осындай жетістіктерін өзіме мақтаныш тұтамын.

Мен Қазақстанның болашақта дамыған елдердің қатарына қосылып, қуатты ел боп қалыптасуына сенімдімін. Сондықтан мен секілді болашақ ұрпақ оқу-білімге деген құштарлығын оятса, олар осы игі істерді жалғастыратын азамат болып шығады.