АЛМАТЫҒА АРМАН БОЛҒАН УНИВЕРСИАДА

FISU Бағалау комитетiнiң мүше­лерi үстiмiздегi жылы қазан айының 23-24 күндерi Алматы қаласының 2017 жылы Қысқы Универсиадаға дайындығын тексерiп кеттi.

Қазақстан биыл 2017 жылы өтетiн 28 Қысқы Универсиаданы Алматы қаласында өткiзуге өтiнiш бiлдiрген едi. Осы ұсынысқа байланысты Алма­тыға келген Халықаралық Бағалау комитетiнiң мүшелерi Алматы қаласының әкiмi Ахметжан Есiмовпен кездесiп, құрметтi қонақтар шаһардың ең көрiктi жерлерiндегi спорт кешендерi: Солдатсай шатқалындағы Шаңғы-биатлон стадионын, «Медеу» мұз айдынын және тау-шаңғылы Шымбұлақ пен Халықаралық шаңғы трамплин кешендерiн аралап, көрдi. Сондай-ақ меймандар Алматының инфрақұрылымымен де танысып қайтты.

Бағалау комитетiнiң қорытынды сапары – Алматы – 2017 Тапсырыс беру комитетiнiң Қысқы Универсиаданы тұрақты және студенттiк спорт арқылы жалпы Универсиаданы дамытуға бағытталған бағдарламалары мен жобаларын таныстырудан тұрды.

Алматы Қысқы Универсиаданы өт­кi­зуге лайық деп табылған үмiткер қала­лардың қатарында. Өйткенi Алматы – елiмiздегi студенттер ең көп шоғыр­лан­ған жер. Мұнда 186 мың студент бiлiм алуда. Дамыған спорттық және iлеспе инфрақұрылымдар тағы бар. Елiмiзде 2011 жылы өткен 7-қысқы Азиа­да ойындарын өткiзу барысында бiрегей спорт кешендерi салынып, қаладағы Бал­уан Шолақ атындағы Спорт сарайы, «Медеу» спорт кешенi мен «Шымбұлақ» тау-шаңғы кешенiне жөндеу жұмыстары жасалып, пайдалануға берiлмек. Ал спорттағы айтулы шараның бiздiң елiмiзде өтуi 2011 жылдың 29-қарашасында Брюссельде өтетiн FISU-дың штаб-пәтерiнде дауыс берудiң нәтижесiнде анықталмақ.

Маржан КЕҢЕСБАЙ