АЛТЫНБЕКТI ЕСКЕ АЛУ ТУРНИРI

12 қыркүйек белгiлi қоғам, мемлекет қайраткерi марқұм Алтынбек СӘРСЕНБАЙҰЛЫНЫҢ туған күнi. Соған байланысты Алтынбек Сәрсенбаев атындағы қордың ұйымдастыруымен бильярдтан кезектi турнир өткiзiлдi. Турнирге республиканың баспасөз қызметкерлерi, ақын-жазушылары қатысты. Жеңiмпаздарға бағалы сыйлықтар берiлдi.

Марқұмның достары жыл сайын еске алу шараларын өткiзiп келедi. Бұл сайыста жазушы, журналист, қоғам қайраткерлерiнен құралған 40 ойыншы бақ сынады. Нәтижесiнде, жүлделi 1-орынды ақын Жанарбек Әшiмжан, 2-орынды Iлияс Сәрсенов, 3-орынды Ибрагим Исаев, 4-орынды Аманжол Рысбеков сынды азаматтар қанжығасына байлады. Бiр айта кетерлiгi, турнирдiң қатысушыларына ұйымдастырушылар тарапынан бағалы сыйлықтар табыс етiлдi. Турнир соңынан жиналған жұртқа ас берiлiп, Алтынбек Сәрсенбайұлын достары: "Аман болғанда, қазiр 49-ға келер едi" деп еске алды. Қазақстанның белгiлi қоғам, мемлекет, саяси қайраткерi Алтынбек Сәрсенбайұлы 1962 жылы 12 қыркүйекте Алматы облысының Нарынқол ауданының Қайнар ауылында дүниеге келген.