ШIЛДЕДЕ КӨЛIК БАҒАСЫ 2 ЕСЕ ҚЫМБАТТАУЫ МҮМКIН

Биылғы шiлдеден бастап шетелден әкелiнетiн көлiктерге кедендiк баж салығы көтерiлдi, сiздiңше соған байланысты көлiктiң бағасы қанша пайызға көтерiлуi мүмкiн?

Алексей, кәсiпкер:

– Иә, бiзге көбiне Америка мен Еуропа елдерiнен көлiк тасымалданады. Ол көлiктердi тасымалдау уақыты 3 айға созылады. Сондықтан келесi автокөлiк тасымалдау уақытына дейiн бiзде қайта заң өзгеретiнiн ескерсек, әкелiнетiн көлiктiң бағасы да 2 немесе 3 есеге көтерiлуi әбден мүмкiн.

Мақсат:

– Баға қазiрше қалыпта, бiрақ алдағы 2 айдан соң көтерiледi деген сыбыс бар. Дегенмен нақты қанша пайызға шарықтайтынын айта алмаймын.

Евгений:

– Осы заң шыққаннан кейiн бiз әр көлiкке 5000-6000$ кедендiк баж салығын төлеуiмiз мүмкiн, ал қазiр 1500-2000$ шамасында ғана төлеймiз. Сондықтан бiз үшiн осы тиiмдi.

Азамат:

– Бiзде жалпы салық, баға тұрмақ көлiк базары дұрыс жолға қойылмаған. Мәселен Латвия, Грузия сияқты мемлекеттер осы көлiк базары арқылы-ақ қаншама пайда түсiрiп, экономикасын, ауылшаруашылығын дамытып, халқының әл-ауқатын қалыпты жағдайда ұстап тұр. Бiзге де осы үлгiнi алу қажет.

Дмитрий:

– Қанша пайызға көтерiлетiнiн бiлмеймiн, менiңше осы мәселенi билiк бiрқалыпты жүйеге келтiрiп, жолға қойып берсе, ол мемлекетке де, халыққа да, бiзге де пайдасы зор болар едi.

Қали, кәсiпкер:

– Мен бұл саламен айналысқалы 10-14 жылдың көлемi болды. Бiр қызығы, мына кедендiк баж салығы деген евромен есептелiнедi де, тұтынушыларға долларға ауыстырылады. Мен осы мәселенi түсiнбеймiн.

Дамир:

– Мен жәй сатушымын, сондықтан баға түсе ме, әлде өсе ме ол жағын бiлмеймiн. Егер баға шарықтаса, сатып алушы азаяды. Себебi бiздiң халықтың әл-ауқаты оны көтере бермейдi. Қазақстан халқының барлығы бай тұрмайды.

Руслан:

– Кедендiк баж салығы көлiктiң двигатель көлемiне байланысты алдағы уақытта қымбаттауы мүмкiн.

Петр:

– Бiзде жалпы барлық салада бағаның тұрақтылығы жоқ. Көлiктi былай қойғанда, жәй ғана халық көп тұтынатын азық-түлiк бағасын айтуға болады.

Серіктес жаңалықтары