ҮЙIРМЕЛЕР ЖҰМЫСЫН БАСТАДЫ

Оқушылар сарайында "Сәлем, сүйiктi сарай!" атты кеш болып өттi. Мұндағы басты мақсат – мектеп оқушыларын түрлi үйiрмелерге жазу жұмыстарын қорытындылау. Бүгiнде балалардың қосымша бiлiм алуына арналып салынған мекемеде негiзiнен 6 бөлiм жұмыс атқарады. Спорт және туризм, ғылыми-танымдық және экологиялық, көркем өнер, балалар ынтасын үлестiру, қолданбалы өнер деп бөлiнген үйiрмелерге бүгiнде 8 мың оқушы жазылып үлгерiптi.

Аталған кеш шымылдығын бүлдiршiндер "Қара жорға" биiмен ашса, "Шертер" ансамблi Дәулеткерейдiң "Қос алқа" күйiн нақышына келтiре орындады. Салтанатты жиынның беташарын ашқан Оқушылар сарайының директоры Қуатбек Болатбекұлы: "Құрметтi ата-аналар, оқушылар, бүгiнгi шара түрлi үйiрме жұмыстарын сiздерге таныстыру, көрсетуге арналып отыр. Басты мақсат – мемлекетiмiздiң патриоттарын тәрбиелеу. "Үйрен де жирен" демекшi, өнерлi болуға талпыныңыздар. Әрқашан есiгiмiз айқара ашық" деп қорытты өз сөзiн. Кештiң соңында оқушылардың көптен күткен сүйiктi үйiрме сағаттары басталып та кеттi.