"ەير استانا" قاناتىن كەڭگە جايادى

الەمنiڭ تۇكپiر-تۇكپiرiنە اشىق اسپان ارقىلى جول سالعان "ەير استانا" اق اۋە كومپانياسىنىڭ تاپ قازiرگi نارىق قوعامىندا اتقارار قىزمەتi ەرەكشە. تiپتi، ۇكiمەت باسشىلارىنىڭ ەل مەن جەرگە تەز ارادا ۇشىپ بارىپ، مەملەكەتتiك ماسەلەلەردi جەدەل-عابىل شەشۋiنە سەپتiگiن تيگiزiپ جاتاتىن دا وسى اۋە كومپانياسى. البەتتە، سەنiمدi كومپانيانىڭ تۇراقتى جولاۋشىسى بولۋدىڭ باستى شارتى دا قاۋiپسiزدiك شارالارىنىڭ تولىق ساقتالۋى عوي.

الماتىدا "ەير استانا" اق-ى ماماندارى ءباسپاسوز تۋرىن ۇيىمداستىرىپ، باق وكiلدەرiنiڭ باسىن قوسۋ ارقىلى ۇشۋ قاۋiپسiزدiگi جانە جايلىلىعى، ماماندارعا بايلانىستى ساياسات، بورتينجەنەرلiك قىزمەت جانە ۇشۋدى جوسپارلاۋ شارالارىمەن كەڭiنەن تانىستىردى. بۇل اشىق تاجiريبە ءبولiسۋ بارىسىندا جۋرناليستەر "ەير استانا" اق-نىڭ ارنايى وقىتۋ ورتالىعىنا ساياحات جاساپ، جولسەرiكتەرمەن كەزدەسiپ، ەركiن پiكiر الماستى. تiپتi، مۇندا كورۋگە كەلگەن قوناقتاردىڭ ءوزi ارنايى قۇتقارۋ جەيدەسi مەن ماسكاسىن كيiپ كورiپ، ەندi بiرi جولسەرiكتiڭ رولiنە ەنiپ كەتiپ، اتقاراتىن قىزمەتiن بiرگە تانىستىرىپ جاتتى. ال اۋەكومپانياعا ماماندى قالاي تاڭداپ الۋ تۋرالى جۋرناليستەر تاراپىنان قويىلعان ساۋالدارعا بورتتىق قىزمەت ديرەكتورى فرەد گورمان مەن رەكرۋتينگ جانە دامىتۋ مەنەدجەرi ايگۇل تاشباەۆا، وقىتۋ جونiندەگi مەنەدجەر بريدجيت بەرنويدەر مەن جولسەرiكتەر قىزمەتiنiڭ باستىعى گولۋسسا گاراەۆالار جاۋاپ بەرiپ، ءوز جەكە قىزمەتتەرi جونiندە دە تولىق ماعلۇمات بەرە كەتتi. "ەير استانا" اق بورتتىق قىزمەتiنiڭ ديرەكتورى فرەد گورمان مىرزا اسiرەسە، مامان ساپاسىن ارتتىرۋ شاراسىنا ايتارلىقتاي دەن قويىلىپ كەلەتiندiگiنە توقتالىپ، كومپانيا مامانداردىڭ قىزمەت ساپاسىن ارتتىرۋعا بايلانىستى وقىتۋ قىزمەتiنە جالپى شىعىننىڭ 15 پايىزىن ءبولiپ وتىرعاندىعىن تiلگە تيەك ەتتi. اۋە كەمەسiن بەس ساۋساقتاي مەڭگەرۋ ءۇشiن ماماندار باستاپقى كەزدە ءوز ەلiمiزدە، سودان سوڭ فرانكفۋرتتەگi "كوندور" وقۋ-جاتتىعۋ ورتالىعىندا بiلiمiن جەتiلدiرەتiن كورiنەدi. ارينە، اۋە كومپانيادا جۇمىس iستەگiسi كەلەتiن مامان اۋەلi مەملەكەتتiك تiل مەن اعىلشىن تiلiن جەتiك مەڭگەرۋi ءارi دەنساۋلىعى مەزگiلدiڭ كەز كەلگەن ۋاقىتىندا، ۇشۋ قىزمەتiنiڭ قانداي دا بiر جۇيەسiندە ەشبiر سىر بەرمەۋi كەرەكتiگi باستى تالاپقا جاتادى. "جۇمىسقا وسىنداي iرiكتەۋ ارقىلى قابىلداناتىندىقتان دا، بiزدiڭ اۋە كومپانيادا قىزمەت ەتكiسi كەلەتiن مامانداردىڭ سانى جىلدان-جىلعا ارتپاسا، ازايعان ەمەس. بiر عانا 2007 جىلدىڭ وزiندە 240 تۇيiندەمە قابىلدادىق" دەيدi اۋە كومپانيا قىزمەتكەرلەرi. ايتىپ ايتپاي نە كەرەك، جولاۋشىلاردى تاسىمالداۋ بارىسىندا كەرەعار جايتتىڭ بولۋى عاجاپ ەمەس. ەستەرiڭiزدە بولسا، وتكەن جىلى كومپانياعا قاراستى ۇشاق iشiندە تۇرiك ازاماتتارىنىڭ كەنەتتەن بۇلiك شىعارۋى اۋە كومپانيا قىزمەتكەرلەرiن بiراز ابiگەرگە سالعان-دى. (ولارعا قاتىستى سوت پروتسەسi ءالi ءجۇرiپ جاتىر). وسىدان كەيiن "ەير استانا" ماماندارى ۇشۋ كەزiندە جۇرتتىڭ ۇرەيiن قاشىراتىن نەمەسە ادەيi قاستاندىق جاساۋعا بەيiم جولاۋشىلاردى ساباسىنا ءتۇسiرۋ ءۇشiن ءتۇرلi ارەكەتتەر جاساۋدى قولعا الدى. قازiر ۇشاقتا قىزمەت كورسەتەتiن ماماندار مۇنداي جاعدايعا قارسى تۇرۋ ءۇشiن ارنايى ترەنينگتەردەن وتۋدە. ەگەر ۇشاقتا شۋ شىعارۋعا نيەتتەنگەن جولاۋشىلار كەزدەسiپ جاتسا، ونى كiسەندەۋ نەمەسە بايلاپ تاستاۋعا دەيiن باراتىندىعىن جاسىرمايدى.

سول سياقتى بۇل شاراعا ادەيi قاتىسۋدى ءجون كورگەن "ەير استانا" اق پرەزيدەنتi پيتەر فوستەر وتكەن جىلدىڭ قورىتىندىسىن ماقتانىشپەن پاش ەتiپ، كەلەشەكتە اتقارار جوبالارىمەن دە ءبولiستi. پيتەر مىرزانىڭ سوزiنە قاراعاندا، "ەير استانا" اق اۋە كومپانياسى 2007 جىلى رەكوردتىق وسiمگە قول جەتكiزiپتi. بىلتىرعى جىل تاسىمالداۋ كولەمi مەن جولاۋشىلار سانىنىڭ ارتۋى، اۆياپارك اۋماعىنىڭ ۇلكەيۋi جاعىنان تابىستى ءارi يگi جەتiستiككە تولى بولعان. ماسەلەن، جولاۋشى تاسىمالداۋ شاراسى 46 پايىزعا ءوسiپ، 2،13 ميلليون جولاۋشىنىڭ "ەير استانا" قىزمەتiن پايدالانۋى ارقاسىندا وپەراتسيالىق كiرiس 48 پايىزعا ارتقان. سونداي-اق، اۋە كومپانيا 25 iشكi، 21 حالىقارالىق باعىتتا قىزمەت كورسەتەدi ەكەن. ياعني، بۇل iشكi باعىتتىڭ 75 پايىزىنا، سىرتقى باعىتتىڭ 40 پايىزىنا تەڭ دەگەن ءسوز. وسى ەكi باعىتتا 670 جولسەرiك قىزمەت كورسەتۋگە دايىن.

تاعى بiر ايتا كەتەرلiگi، ەكi "بوينگ 767-300"، ەكi "ەيرباس ا320" جانە ەكi "ەيرباس 321" ۇشاقتارى ساتىپ الىنىپ، "ەير استانانىڭ" اۋە-كەمە پاركi 18-گە جەتكەن. الداعى ۋاقىتتا جالپى قۇنى 1،7 ميلليارد دوللاردى قۇرايتىن، التى بوينگ 787-8، توعىز "ەيرباس ا 320" ۇشاقتارى ساتىلىپ الىنباقشى. العاشقى توعىز "ەيرباس ا 320" شامامەن 2012 جىلى جەتكiزiلەتiن بولسا، 2016 جىلى التى "بوينگ 787-8" قازاقستان اسپانىندا ەركiن سامعايتىن بولادى. ال 2022 جىلى ۇشاقتىڭ سانى 63-كە جەتەدi دەگەن بولجام بار. سونداي-اق 2007 جىلى ۇنەمi ۇشاق قىزمەتiن پايدالاناتىن جولاۋشىلارعا ارنالعان "Nomad Club" باعدارلاماسى قۇرىلىپ، بۇل ارقىلى بيلەتتi ەلەكتروندى برونداۋ جانە ەلەكتروندى بيلەتتەر جۇيەسiن جولعا قويۋ جاعى قاراستىرىلعان. قاجەت بولسا، جاقىن بولاشاقتا تمد اۋماعىنداعى ەڭ iرi اۋە كومپانيا رەتiندە پراگا، توكيو، كۋالا-لۋمپۋر، ميۋنحەن، سينگاپۋر باعىتىندا جاڭا رەيستەر اشۋ باس جوسپاردىڭ ەنشiسiنە كiرiپ قويعان. 2022 جىلى اۋە پاركiن 63 اۋە كەمەسiنە، قىزمەتكەرلەر سانىن 9 مىڭعا ارتتىرۋ جاعى كوزدەلiپتi. وسى باعىتتا ماماندى الۋ جونiندەگi ساياساتقا، ۇشۋ قاۋiپسiزدiك ماسەلەسiنە، اۋە كەمەلەرiنiڭ جۇمىس جاعدايىنا باسا نازار اۋدارىلادى دەيدi، — "ەير استانا" اق پرەزيدەنتi پيتەر فوستەر مىرزا.

دينارا مىڭجاسارقىزى

ۇقساس جاڭالىقتار

Back to top button