قازاقستان قۇراماسىن قىسقى وليمپياداعا ارىستانبەك مۇحامەدي ۇلى باستاپ بارادى

پحەنچحاندا وتەتىن قىسقى وليمپيادا ويىندارىنا قازاقستاننىڭ دەلەگاتسياسىن قر مادەنيەت جانە سپورت ءمينيسترى ارىستانبەك مۇحامەدي ۇلى باستاپ بارماق.

مينيسترلىكتىڭ ءباسپاسوز قىزمەتىنىڭ حابارلاۋىنشا، ارىستانبەك مۇحامەدي ۇلىمەن بىرگە وڭتۇستىك كورەيا ەلىنە ۆيتسە-مينيستر ساكەن مۇسايبەكوۆ بارعالى وتىر.

الەم ەلدەرىنىڭ 26 جوعارى لاۋازىمدى تۇلعالارى وڭتۇستىك كورەيا ەلىنە باراتىنى تۋرالى بۇعان دەيىن حابارلانعان بولاتىن. ونىڭ ىشىندە جاپونيا پرەمەر-ءمينيسترى سيندزو ابە دە بار. وڭتۇستىك كورەيا پرەزيدەنتى مۋن چجە ين جوعارى لاۋازىمدعى قوناقتاردى قابىلداپ، تەت-ا-تەت فورماتىندا 14 كەزدەسۋ وتكىزبەك.

جالپى، وڭتۇستىك كورەيا ەلىنە اقش ۆيتسە-پرەزيدەنتى مايك پەنس، جاپونيا پرەمەر-ءمينيسترى سيندزو ابە، قىتاي كوممۋنيستىك پارتياسىنىڭ ساياسي بيۋرو كوميتەتىنىڭ تۇراقتى مۇشەسى حان چجەن، گەرمانيانىڭ فەدەرالدى پرەزيدەنتى فرانك-ۆالتەر شتاينمايەر، بۇۇ باس حاتشىسى انتونيۋ گۋتەررەش، نيدەرلاندى ەلىنىڭ پرەمەر-ءمينيسترى مارك ريۋتتە، پولشا پرەزيدەنتى اندجەي دۋبا، شۆەتسيانىڭ كورولى كارل مەن كورولەۆاسى سيلۆيا بارادى كۇتىلۋدە.

سونىمەن قاتار، سلوۆەنيا، نورۆەگيا، فينليانديا، كانادا، شۆەيتساريا، سلوۆاكيا، ليحتەنشتەين، ليتۆا، ەستونيا، لاتۆيا، ليۋكسەمبۋرگ، دانيا مەن موناكونىڭ وكىلدەرى جوعارى دارەجەدە تانىستىرىلاتىن بولادى. ايتا كەتسەك، 2018 جىلعى قىسقى وليمپيادا ويىندارى 9-25 اقپان ارالىعىندا وتەدى. بۇگىنگى تاڭدا 46 قازاقستاندىق سپورتشىنىڭ قىسقى سپورتتىڭ 9 ءتۇرى بويىنشا ليتسەنزياسى بار.

 

ۇقساس جاڭالىقتار

Back to top button