Мамандардың айтуынша, "угги" киюге әуес адамдардың тізе ауруларына шалдығу қаупі жоғары. Бұл туралы Stan.kz хабарлады.
Лондон клиникасының ортопедиялық хирургі Иэн Макдермотт «угги» етігін киетін адамдардың денсаулығында қиындықтар туындайтынын ескертті. Бұл аяқ киім аяқты дұрыс қалыпта ұстап тұрмайтындықтан, тізе аурулары пайда болуы мүмкін.
Аталған етікті жиі киетін адамдардың тізе буынындағы сіңірінде кінәрат пайда болады. Лондондық клиниканың кеңесшісі қыстық аяқ киімнің басқа түрлерін киюге кеңес берді.
««Угги» етігі аяққа ыңғайлы болып көрінуі мүмкін. Бірақ қыстық аяқ киімнің басқа түрін таңдаған жөн», – дейді ол.
