قازاقستان حالقى قارتايىپ بارادى

قازاقستان حالقى قارتايىپ بارادى. قازاقستانداعى قارتايۋ كورسەتكىشى ءوسىپ جاتىر، – دەپ حابارلايدى Tengrinews.kz تىلشىسى Ranking.kz ساراپشىلارىنا سىلتەمە جاساپ.

ساراپشىلاردىڭ مالىمەتىنشە، سوڭعى ەكى جىلدا (2015-2016 جىلدارى) ەلىمىزدە ءاربىر 100 بالاعا جاسى 65-تەن اساتىن 26 ادام كەلەتىن (يندەكس – 25،9). ەسكە سالا كەتسەك، وسىعان دەيىنگى 5 جىلدا قارتايۋ كورسەتكىشى قىسقارعان بولاتىن. 2009-2014 جىلدار ارالىعىندا كورسەتكىش 28،3-تەن 25،7-گە دەيىن قىسقاردى. مامانداردىڭ ايتۋىنشا، قازىرگى ۋاقىتتا بۇل تۋ كورسەتكىشىنىڭ تومەن بولۋىمەن بايلانىستى بولىپ وتىر. «2016 جىلى تۋ كوەففيتسيەنتى 19 ءوڭىردىڭ تەك 5-ىندە كوبەيگەن. دەگەنمەن دە قازاقستان قالالارىندا قارتايۋ كورسەتكىشى اۋىلدىق اۋماقتاردان جوعارى. 2016 جىلعى كورسەتكىشكە قاراعاندا، ءاربىر 100 بالاعا 29 قارت ادام كەلگەن. ءبىر جىل بۇرىن بۇل يندەكس 29،2 بولعان ەدى، ال 7 جىل بۇرىن 34،1 بولدى»، – دەلىنگەن ساراپشىلاردىڭ زەرتتەۋىندە. سونداي-اق، مامانداردىڭ ايتۋىنشا، استانا الماتىعا قاراعاندا جاس قالا. ەلوردادا 2016 جىلدىڭ قورىتىندىسى  بويىنشا قارتايۋ يندەكسى 15،6-عا تەڭ بولدى. ال الماتىدا بۇل كورسەتكىش ەكى ەسە جوعارى بولىپ تۇر.

Back to top button