قاۋىپسىزدىك ماسەلەسىنىڭ جاڭا قىرلارى

بۇگىنگى دۇربەلەڭگە تولى زاماندا قاۋىپسىزدىك ماسەلەسى وزەكتىلىگىن جويعان ەمەس. الىس-جاقىن ەلدەردە تىركەلگەن ءتۇرلى قاقتىعىستار مەن قايعىلى وقيعالار ساقتىق شارالارىنا باسا كوڭىل ءبولۋ كەرەكتىگىن ەسكەرتەدى.

ەلباسى نۇرسۇلتان نازارباەۆتىڭ توراعالىعىمەن وتكەن قاۋىپسىزدىك كەڭەسىنىڭ وتىرىسىندا قاۋىپسىزدىكتى قامتاماسىز ەتۋ سالاسىنداعى جاھاندىق فاكتورلاردى قامتيتىن وزەكتى ماسەلەلەر، سونداي-اق، تابيعي جانە تەحنوگەندىك سيپاتتاعى توتەنشە جاعدايلارعا قارسى تۇرۋ بارىسىندا قولدانىلاتىن كۇشتەر مەن قۇرالداردىڭ قازىرگى احۋالى تالقىلاندى.

– ءبىز بۇگىن ەلىمىزدىڭ بارلىق كۇشتەرىن ءتۇرلى توتەنشە جاعدايلارعا قارسى تۇرۋعا جانە جۇمىلدىرۋعا دايىندىعىن تالقىلايتىن بولامىز. سونىمەن قاتار قازاقستاننىڭ قاۋىپسىزدىك كەڭەسىنىڭ ءرولى مەن مارتەبەسىن ودان ءارى ارتتىرۋ جونىندەگى ماسەلەلەر قاراستىرىلادى، – دەدى نۇرسۇلتان نازارباەۆ.

كەڭەستە ەلباسى EXPO – 2017 حالىقارالىق كورمەسىن وتكىزۋ بارىسىندا قاۋىپسىزدىكتى ويداعىداي قامتاماسىز ەتكەنى ءۇشىن قۇقىق قورعاۋ جانە ارناۋلى ورگانداردىڭ قىزمەتكەرلەرىنە العىس ايتتى. جيىن قورىتىندىسى بو­يىنشا قازاقستان پرەزيدەنتى بىرقاتار ناقتى تاپسىرما بەردى.

ۇقساس جاڭالىقتار

Back to top button