اقجارقىن تۇرلىبايدىڭ قورعاۋشىسى وعان قانداي جازا كەسىلەتىنىن ايتتى

اقجارقىن تۇرلىباي مەن ماريا داپيركانىڭ قورعاۋشىسى سۇڭقار نۇرماعامبەتوۆ ەكى قىزدىڭ دا تاعدىرىنا بايلانىستى بولجامىمەن ءبولىستى دەپ حابارلايدى قازاقپارات.

«ارينە، اقجارقىنعا قازىر قيىن. ەرەسەك ەر ادامدار دا تۇرمەنىڭ جاعدايىنا شىداي المايدى. ازيا ەلدەرىندەگى تۇرمەلەردە ءتارتىپ قاتال. ايتا كەتۋ كەرەك، اقجارقىن قىتايعا العاش رەت شىققان. بۇرىن ونىڭ تولقۇجاتى دا بولماعان. ەسىرتكىمەن كۇرەس ورتالىق ازيا وڭىرلىك اقپاراتتىق ورتالىعىنىڭ حابارلاۋىنشا، اقجارقىن مەن ماريا داپيركا نيگەريالىق ناركومافيانىڭ قۇربانى بولعان.

اقجارقىن 20 جىلعا نەمەسە ءومىر بويىنا بوستاندىعىنان ايىرىلىپ نەمەسە ءولىم جازاسىنا كەسىلۋى مۇمكىن. 2017 جىلدىڭ قازانىندا وسى ىسكە نۇكتە قويىلۋى ىقتيمال. بىراق ۋاقىتى وزگەرۋى دە عاجاپ ەمەس.

اقجارقىندى ەلگە قايتارۋعا مۇمكىندىك، ارينە بار. بۇل جەردە قازاقستان-قىتاي قاتىناسى ۇلكەن ءرول وينايدى. اقجارقىن قىتايدا سوتتالسا دا، حالىقارالىق كەلىسىم بويىنشا ول قازاقستانعا بەرىلەدى. الايدا ونىڭ بىرنەشە شارتى بولۋى مۇمكىن. ول ءۇشىن بۇل ءىس قىتاي قاۋىپسىزدىگىنە قاتەر توندىرمەۋى شارت. مەن اقجارقىننىڭ ءىسى قىتايدىڭ قاۋىپسىزدىگىنە زارەدەي كەسىرىن تيگىزبەيدى دەپ ويلايمىن»، – دەيدى سۇڭقار نۇرماعامبەتوۆ.

ۇقساس جاڭالىقتار

Back to top button