ارگەنتينادا پارلامەنت سايلاۋى ءوتتi

ارگەنتينادا پارلامەنت سايلاۋى ءوتتi. داۋىس بەرۋدىڭ الدىن-الا ناتيجەسى بويىنشا ارگەنتينا پرەزيدەنتى ماۋريسيو ماكري قولدايتىن كواليتسيا پارلامەنتتىك سايلاۋدا جەڭىسكە جەتتى. ورتالىق وڭشىلدار ەلدەگى 24 پروۆينتسيانىڭ 12-ءسىنىڭ داۋىسىنا يە بولىپ وتىر. ال ارگەنتينانىڭ بۇرىنعى پرەزيدەنتى كريستينا كيرشنەر سەناتقا ءوتىپ، ساياساتتا قالاتىن بولدى.

وتكەن دەمالىس كۇندەرى ارگەنتينا حالقى سەنات مۇشەلەرىنىڭ ۇشتەن ءبىرىن جانە تومەنگى پالاتانىڭ جارتىسىن تاڭدادى. بۇل ىسكە 33 ملن تۇرعىننىڭ 78%-ى قاتىستى. «كامبەموس» پرەزيدەنتىنىڭ كواليتسياسى كەمىندە 24 وبلىستىڭ 12-نە يەلىك ەتىپ وتىر. ولاردىڭ قاتارىندا ەل استاناسى بۋەنوس-ايرەس تە بار. وسىنىڭ ناتيجەسىندە 42% جينادى.
پرەزيدەنتتىڭ جاقتاستارى ءۇشىن ونىڭ ارىپتەسى ەستەبان ءبۋللريحتىڭ بۇرىنعى مەملەكەت باسشىسى كريستينا كيرشنەردى جەڭۋىە باستى وقيعا ساناپ وتىر. ەكەۋى ەل استاناسىندا سايلاۋعا ءتۇسىپ، سەناتقا ءوتتى. الايدا سايلاۋشىلاردىڭ تەك ءتورت پايىزى عانا پرەزيدەنتتىككە كانديدات ءۇشىن داۋىس بەردى.
«بۇگىنگى بۋىن تاريحتى وزگەرتەدى. بۇل تەك باسى عانا»، – دەدى ەستەبان بۋللريح.
ەندى ماۋريسيو ماكري 2015 جىلى ۋادە ەتكەندەي رەفورمالاردى، سونىڭ ىشىندە ەڭبەك جانە سالىق زاڭناماسىنداعى وزگەرىستەردى جۇزەگە اسىرۋعا مىندەتتى. ولاردىڭ ايتۋىنشا وسىعان دەيىن ەكونوميكالىق دامۋعا كەدەرگى كەلتىرىلىپ كەلگەن.
ال كريستينا كيرشنەردىڭ سەنات سايلاۋىندا جەڭىسكە جەتۋى ماڭىزدى. سەبەبى، بۇل جەڭىس ونى قىلمىستىق قۋدالاۋدان امان الىپ قالماق. سەبەبى قازىرگى ەل بيلىگى كيرشنەرگە قاتىستى تەرگەۋ جۇمىستارىن جۇرگىزىپ جاتىر. وعان «وتانىن ساتتى» دەگەن ايىپ تاعىلىپ وتىر. تەرگەۋ جۇمىستارى وڭ ناتيجەسىن بەرسە كريستينا كيرشنەر 10 جىلعا باس بوستاندىعىنان ايىرىلۋى مۇمكىن. ال ەكس-پرەزيدەنتتىڭ ءوزى مۇنداي ايىپتاۋمەن كەلىسپەي وتىر.
كريستينا كيرشنەر مەملەكەت باسشىسى لاۋازىمىندا 2007-2015 جىلدارى وتىرعان.

 

Back to top button